Tinsukia Police Food Distribution : বিহু উপলক্ষে পদপথৰ বাসিন্দাৰ মাজত খাদ্য বিতৰণ আৰক্ষীৰ

তিনিচুকীয়াত পদপথৰ লোকক ভোগালী বিহু উপলক্ষে আহাৰ বিতৰণ তিনিচুকীয়া আৰক্ষীৰ (Tinsukia police distributes food)৷ ভোগালী বিহুৰ দিনাই তিনিচুকীয়া আৰক্ষীয়ে এই প্ৰশংসনীয় পদক্ষেপ গ্ৰহণ কৰে ৷ তিনিচুকীয়া চহৰৰ থানা চাৰিআলিত বাস কৰা পদপথৰ লোকসকলক তিনিচুকীয়াৰ উপ-আৰক্ষী অধীক্ষক হিৰণ্য কুমাৰ বৰাৰ নেতৃত্বত তিনিচুকীয়া সদৰ আৰক্ষী থানাৰ(Tinsukia Police Station) চহৰ পৰিদৰ্শক ভাস্কৰ ৰাজবৰুৱাৰ সৈতে তিনিচুকীয়া আৰক্ষীৰ এটা দলে ভোগালী বিহুৰ উপলক্ষে এসাঁজ আহাৰ প্ৰদান কৰে ৷ তিনিচুকীয়া আৰক্ষীৰ এই পদক্ষেপক প্ৰত্যক্ষদৰ্শীয়ে প্ৰশংসাৰে উপচাই পেলায় ৷