75th Independence Day: স্বাধীনতা দিৱস উপলক্ষে টিংখাং আৰক্ষীৰ কটকটীয়া নিৰাপত্তা - Tingkhang police tighten security

দেশৰ ৭৫ তম স্বাধীনতা দিৱসলৈ মাজত মাথোঁ দুটামান দিন বাকী (Independence Day)। স্বাধীনতা দিৱস উপলক্ষে ৰাজ্যত এতিয়া তৎপৰ হৈ পৰিছে আৰক্ষী প্ৰশাসন । ইতিমধ্যে আলফা(স্বা)কে ধৰি কেইবাটাও উগ্ৰপন্থী সংগঠনে স্বাধীনতা দিৱস বৰ্জনৰ বাবে আহ্বান জনাইছে । সেয়েহে স্বাধীনতা দিৱসৰ দিনটো যাতে সুকলমে পাৰ হৈ যায় তাৰ বাবে ৰাজ্যৰ অন্যান্য প্ৰান্তৰ লগতে টিংখাঙতো আৰক্ষী প্ৰশাসনে গঢ়ি তুলিছে নিছিদ্ৰ নিৰাপত্তা ব্যৱস্থা (Tingkhang police tighten security)। স্বাধীনতা দিৱসৰ পূৰ্বে অঞ্চলটোত উগ্ৰপন্থী সংগঠনৰ কূটাঘাটৰ আশংকাত আৰক্ষীয়ে দিনে-নিশাই তীব্ৰতৰ কৰি তুলিছে তালাচী অভিযান । বিশেষকৈ ডিব্ৰুগড় আৰু চৰাইদেউ জিলাৰ সীমামূৰীয়া অঞ্চলত বিশেষ সতৰ্কতা গ্ৰহণ কৰা হৈছে । টিংখাং, ৰাজগড় আৰু বৰবাম আৰক্ষীয়ে ব্লেক কামাণ্ডোৰ সহযোগত গঢ়ি তুলিছে কটকটীয়া নিৰাপত্তা বেষ্টনী । প্ৰতিখন দুচকীয়া আৰু চাৰিচকীয়া বাহনৰ লগতে পথচাৰীসকলক তন্ন-তন্নকৈ তালাচী চলোৱা হৈছে ।