National Taekwondo Championship: ৰাষ্ট্ৰীয় টাইকোৱাণ্ডো চেম্পিয়নশ্বিপত তিনিটাকৈ সোণৰ পদক আঁজুৰিলে তিনি অসম সন্তানে

যোৰহাট, 24 জুলাই :ৰাষ্ট্ৰীয় ক্ৰীড়া জগতত অসম সন্তানৰ দপদপনি ৷ মহাৰাষ্ট্ৰৰ নাছিকত অনুষ্ঠিত হোৱা ৰাষ্ট্ৰীয় টাইকোৱাণ্ডো চেম্পিয়নশ্বিপত তিনিটাকৈ সোণৰ পদক লাভ কৰি তিনি অসম সন্তানে গৌৰৱ কঢ়িয়াই আনিলে তিতাবৰলৈ ৷ সোমবাৰে তিতাবৰৰ মাধপুৰত উষ্ম আদৰণি জনোৱা হয় খেলুৱৈ সকলক ৷  

তিতাবৰ জিলা ক্ৰীড়া টাইকোৱাণ্ডো সন্থা পৰা নিৰ্বাচিত হৈ নাচিকত অনুষ্ঠিত হোৱা ৰাষ্ট্ৰীয় টাইকোৱাণ্ডো চেম্পিয়শ্বিপত অংশগ্ৰহণ সুযোগ লাভ কৰিছিল যোৰহাট জিলা তিতাবৰ মহকুমা 6 জনকৈ খেলুৱৈয়ে । এই 6 গৰাকীৰ খেলুৱৈৰ মাজৰ পৰা তিনিগৰাকী খেলুৱৈয়ে সোণৰ পদক লাভ কৰি তিতাবৰলৈ গৌৰৱ কঢ়িয়াই আনে ৷ 

সোণৰ পদক প্ৰাপ্ত খেলুৱৈসকল ক্ৰমে কৃষ্টিনা বৰা (12) , ৰিয়া কুৰ্মী (13) আৰু সূৰ্যকান্ত বাকটি (13) ৷ আনহাতে আন এজন খেলুৱৈয়ে ব্ৰঞ্জৰ পদক লাভ কৰিবলৈ সক্ষম হয় ৷ আগন্তুক দিনত হ’বলগীয়া বিশ্ব টাইকোৱাণ্ডো চেম্পিয়নশ্বিপত সোণৰ পদক প্ৰাপ্ত খেলুৱৈ তিনিজনৰ মাজৰ পৰা সূৰ্যকান্ত বাকটিয়ে অংশগ্ৰহণ কৰাৰ সুযোগ লাভ কৰিছে ৷ 

এই খবৰটোৰ পিচতেই আনন্দময় পৰিবেশ বিৰাজ কৰিছে তিতাবৰৰ লগতে ক্ৰীড়াপ্ৰেমী সকলৰ মাজত ৷ উল্লেখ্য যে, গ্ৰাম্যাঞ্চলৰ পৰা ক্ৰীড়া প্ৰতিভাসমূহ ওলাই অহাত ক্ৰীড়া ক্ষেত্ৰখনৰ দৃশ্যপট সঘনে সলনি হ’বলৈ ধৰিছে ৷ 

লগতে পঢ়ক:Assam gets WFI membership : ভাৰতীয় মল্লযুঁজ ফেডাৰেশ্যনৰ সদস্য পদ লাভ অসমৰ