Mising Olympics : জোনাইত মিচিং অলিম্পিকৰ তৃতীয়টো দিন - Mising Olympics held in Jonai

জোনাই,২৭ অক্টোবৰ : জোনাইৰ পবা খেলপথাৰ আৰু মুৰ্কংচেলেক মহাবিদ্যালয়ৰ খেলপথাৰত অনুষ্ঠিত মিচিং অলিম্পিকৰ তৃতীয় তথা অন্তিম দিন । তৃতীয় দিনা বিভিন্ন ৰাষ্ট্ৰীয়-আন্তঃৰাষ্ট্ৰীয় খেলৰ লগতে মিচিং জনগোষ্ঠীৰ কিছু পৰম্পৰাগত খেল সংযোজন কৰি আয়োজন কৰা মিচিং অলিম্পিকত মাৰাথন দৌৰ প্ৰতিযোগিতা আছিল এক অন্যতম আকৰ্ষণৰ কেন্দ্ৰবিন্দু ।  

শুকুৰবাৰে পুৱা ৮ বজাৰ পৰা জোনাইত অনুষ্ঠিত মিচিং অলিম্পিকত পুৱা ৫ বজাত লাইমেকুৰীৰ পৰা জোনাইৰ পবা খেলপথাৰলৈ হোৱা মাৰাথন দৌৰ প্ৰতিযোগিতাত অসমৰ বিভিন্ন প্ৰান্তৰ খেলুৱৈসকলে অংশগ্রহণ কৰে । বিয়লিলৈ বিভিন্ন খেলত বিজয়ী হোৱা খেলুৱৈসকলক পুৰস্কাৰ আৰু মানপত্র বিতৰণ কৰা হয় । উক্ত অনুষ্ঠানত উপস্থিত থাকে সদৌ অসম ছাত্র সস্থাৰ মুখ্য উপদেষ্টা সমুজ্জ্বল কুমাৰ ভট্টাচার্য । 

লগতে পঢ়ক :Mising Olympics : জোনাইত মিচিং অলিম্পিকৰ দ্বিতীয়টো দিন