Crime in Gohpur: গহপুৰত মটৰ চাইকেলসহ চোৰ গ্ৰেপ্তাৰ - গহপুৰত মটৰ চাইকেলসহ চোৰ গ্ৰেপ্তাৰ
Published : Aug 23, 2023, 8:25 PM IST
বিশ্বনাথ ,২৩ আগষ্ট:যোৱা ২০ আগষ্টত ঘাহিগাঁৱৰ মটৰ চাইকেল ডিলাৰৰ পৰা চুৰি হোৱা iPhone গহপুৰত উদ্ধাৰ কৰিবলৈ সক্ষম হয় হেলেম আৰক্ষীয়ে । চুৰি হোৱা মোবাইলটো গহপুৰত software মাৰিবলৈ গৈ ধৰা পৰে চুৰি কাৰ্যত জড়িত কৰুণা দাস । যোৱা ২০ আগষ্টত তাহড জামান নামৰ লোকজনৰ মোবাইলটো ঘাহিগাঁৱৰ মটৰ চাইকেল ডিলাৰত থৈ কাম কৰি থকা অৱস্থাতে চুৰি হৈছিল ।
পিচত হেলেম আৰক্ষী থানাত গোচৰ ৰুজু কৰাত বুধবাৰে আৰক্ষীয়ে গহপুৰৰ গোটৰ বজাৰৰ শিৱশক্তী মবাইল দোকানত software মাৰি থকা অৱস্থাত কৰুণা দাস নামৰ হেলেম থানাৰ অন্তৰ্গত ঘিমৰুজানৰ চোৰসহ মোবাইলটো জব্দ কৰিবলৈ সক্ষম হয় ।
লগতে চোৰ কৰুণা দাসে ব্যৱহাৰ কৰা AS 32 A 7670 নম্বৰৰ এখন মটৰ চাইকেল জব্দ কৰিবলৈ সক্ষম হয় হেলেম আৰক্ষীয়ে । হেলেম থানাৰ গোচৰ নং ৬৪/২০২৩ ৰ অধীনত ভাৰতীয় দণ্ডবিধিৰ ৩৬৭ নং ধাৰাত ৰুজু হোৱা কৰি জেল হাজোতলৈ প্ৰেৰণ কৰিছে মবাইল চোৰটো ।
লগতে পঢ়ক:Chandrayaan 3: চন্দ্ৰযান-৩ অৱতৰণৰ ঐতিহাসিক মুহূৰ্ত প্ৰদৰ্শনৰ বাবে সাজু হৈছে বিদ্যালয়সমূহ