স্মাৰ্ট আৰক্ষীৰ চকুত ধূলি দি লংকেশ্বৰত চোৰৰ হাত চাফাই অভিযান

গুৱাহাটী, ২৪ ডিচেম্বৰ : গুৱাহাটী মহানগৰীৰ স্মাৰ্ট আৰক্ষীৰ চকুত ধূলি দি লংকেশ্বৰত চোৰৰ চাফাই অভিযান । দেওবাৰে পুৱতি নিশা লংকেশ্বৰৰ সত্যম এপাৰ্টমেণ্টৰ A ব্লকৰ প্ৰথম মহলাত সংঘটিত হয় এই চুৰিকাণ্ড ৷ ঘৰত মানুহ নথকাৰ সুযোগ লৈ চক্ৰপানী দাস নামৰ লোকজনৰ ঘৰত চোৰে চলায় চাফাই অভিযান ।

চক্ৰপানী দাসৰ ঘৰত চোৰে মূল দুৱাৰৰ তলা ভাঙি প্ৰৱেশ কৰে ভিতৰত । তাৰ পাচতে বহু মূল্যবান সামগ্ৰী লৈ উধাও হয় চোৰ ৷ আনকি একেটা নিশাতে সত্যম এপাৰ্টমেণ্টৰ B ব্লকতো চোৰে চলাই অভিযান ৷ জানিব পৰা মতে, সত্যম এপাৰ্টমেণ্টৰ A  ব্লকলৈ চুৰি কৰিবলৈ চোৰে B ব্লকৰে বাট বুলিছিল ৷

CCTV কেমেৰাত আৱদ্ধ হোৱা দৃশ্যাংশৰ জৰিয়তে সত্যম এপাৰ্টমেণ্টৰ B ব্লকত চোৰ অহা খবৰ লাভ কৰিছিল একাংশ আবাসীয়ে ৷ তাৰ পাচতে সকলো আৱাসীৰ লগতে আসৰক্ষীকো খবৰ দিয়া হয় ৷ কিন্তু আৰক্ষী অহালৈকে সেই স্থানৰ পৰা পলায়ন কৰে চোৰে ৷ আৰক্ষীৰ হেমাহীৰ বাবেই এই চুৰিৰ ঘটনা সংঘটিত হোৱা বুলি আবাসীসকলে অভিযোগ কৰে ।

লগতে পঢ়ক :তিনিচুকীয়া শিৱসাগৰত গুলীবিদ্ধ ৪ জনক অসম চিকিৎসা মহাবিদ্যালয়ত ভৰ্তি