মঙলদৈত টিউচনলৈ যোৱাৰ পথত তিনি কিশোৰক মহতিয়াই নিলে তীব্ৰবেগী ট্ৰাকে

দৰং, 22 নৱেম্বৰ :বুধবাৰে পুৱা মঙলদৈৰ15 নং ৰাষ্ট্ৰীয় ঘাইপথৰলেঙেৰীপাৰা বাঁহ বজাৰৰ সমীপত সংঘটিত হয় ভয়ংকৰ পথ দুৰ্ঘটনা ৷ তীব্ৰবেগী ট্ৰাকে খুন্দা মাৰে তিনি কিশোৰক ৷ ফলত থিতাতে নিহত হয় ৰফিকুল ইছলাম নামৰ কিশোৰটো ৷ আনহাতে এই দুৰ্ঘটনাত আহত হয় আব্দুল গনি আৰু ৰাজিদুল হক নামৰ দুই কিশোৰ ৷ আহত দুই কিশোৰক সংকটজনক অৱস্থাত মঙলদৈ অসামৰিক চিকিৎসালয়লৈ ভৰ্তি কৰোৱা হৈছে ৷

ঘটনাৰ বিৱৰণি অনুসৰি, আজি পুৱা প্ৰায় 5.45 মিনিটত তিনি কিশোৰে বাইকেৰে টিউচনলৈ গৈ আছিল ৷ তেনে সময়তে বিপৰীত দিশৰ পৰা অহা তীব্ৰবেগী ট্ৰাকে খুন্দা মাৰে তিনি কিশোৰক ৷ যাৰ ফলত থিতাতে নিহত হয় এটি কিশোৰ ৷ ইফালে তিনি কিশোৰৰ ঘৰ মঙলদৈৰ বাঘপৰিৰ বুলি জানিব পৰা গৈছে ।

লগতে পঢ়ক:ভয়ংকৰ পথ দুৰ্ঘটনা, এজন থিতাতে নিহত