Wrong treatment ! ছাত্ৰীৰ মৃত্যুক লৈ উত্তেজনা; চিকিৎসকৰ বিৰুদ্ধে ভয়ংকৰ অভিযোগ

নলবাৰী, 24 আগষ্ট :বুধবাৰে নিশা হঠাৎ উত্তপ্ত হ’ল নলবাৰী ৷ এগৰাকী ছাত্ৰীৰ মৃত্যুক কেন্দ্ৰ কৰি নলবাৰীৰ সাৰথি হাস্পতালৰ সন্মুখতে প্ৰতিবাদত বহিল একাংশ লোক ৷ মৃত ছাত্ৰগৰাকীৰ আত্মীয়ৰ অভিযোগ অনুসৰি, নলবাৰীৰ সাৰথি হাস্পতালৰ চিকিৎসকৰ ভুলৰ বাবেই মৃত্যু হ’ল ছাত্ৰীগৰাকীৰ ৷ মৃত ছাত্ৰীগৰাকীৰ হ’ল নিউক্লিয়াছ একাডেমীত অধ্যয়নৰত ডলাৰ্ডী বৈশ্য ৷ ডলাৰ্ডী বৈশ্য আছিল পিতৃ-মাতৃৰ একমাত্ৰ কন্যা ৷

মৃত ছাত্ৰীগৰাকীৰ আত্মীয়ই উল্লেখ কৰা অনুসৰি, কাষলতিৰ তলত টিউমাৰ হোৱাৰ বাবে ডলাৰ্ডী বৈশ্যক পৰিয়ালৰ লোকে 17 আগষ্টৰ দিনা নলবাৰীৰ সাৰথি হাস্পতালত ভৰ্তি কৰায় ৷ তাতে ডলাৰ্ডী বৈশ্যক অষ্ট্ৰোপ্ৰচাৰ কৰা হয় ৷ চিকিৎসকে এইটো এটা সাধাৰণ অষ্ট্ৰোপ্ৰচাৰ বুলিহে উল্লেখ কৰিছিল পৰিয়ালৰ লোকক ৷ কিন্তু চিকিৎসকে সাধাৰণ অষ্ট্ৰোপ্ৰচাৰ বুলি উল্লেখ কৰা কৰিলেও তাৰ বাবে সময় লৈছিল 5 ঘন্টা ৷ ফলত চিন্তিত হে পৰিছিল ডলাৰ্ডী বৈশ্যৰ পিতৃ-মাতৃ ৷

ইফালে এই অষ্ট্ৰোপচাৰ কৰাৰ পিচতে সংজ্ঞাহীন হৈ পৰিছিল কিশোৰীগৰাকী ৷ পৰৱৰ্তী পৰ্যায়ত উন্নত চিকিৎসাৰ বাবে নলবাৰীৰ সাৰথি হাস্পতাল কৰ্তৃপক্ষই গুৱাহাটীলৈ প্ৰেৰণ কৰে ৷ পিচত উন্নত চিকিৎসাৰ বাবে গুৱাহাটীৰ দিছপুৰস্থিত GNRC হাস্পতালত ভৰ্তি কৰায় কিশোৰীগৰাকীক ৷

কিন্তু গুৱাহাটীৰ GNRC হাস্পতালতে মৃত্যু হয় ডলাৰ্ডী বৈশ্যৰ ৷ এই ছাত্ৰীগৰাকীৰ মৃত্যুৰ পাচতে নলবাৰীৰ সাৰথি হাস্পতালৰ সন্মুখত মৃতদেহ লৈ প্ৰতিবাদ সাব্যস্ত কৰে পৰিয়ালৰ লোকে ৷

লগতে পঢ়ক :Tragic incident in Ludhiana : লুধিয়ানাৰ বডদোৱালত চৰকাৰী বিদ্যালয়ৰ ছাদ খহি এজন শিক্ষকৰ মৃত্যু; তিনিজন আহত