Assamese film Raghav: তিনিচুকীয়াত টীম ৰাঘৱৰ প্ৰচাৰ অভিযান, ছবিখন কি নতুনত্ব যতীন বৰাৰ ৰাঘৱত - ৰাঘৱ

তিনিচুকীয়া, ১৫ অক্টোবৰ: অহা ২৭ অক্টোবৰত ৰাজ্যৰ ছবিগৃহলৈ আহিব জনপ্ৰিয় অভিনেতা যতীন বৰাৰ বহু প্ৰত্যাশিত ছবি ‘ৰাঘৱ’ ৷ ছবিখনৰ প্ৰচাৰৰ বাবে ৰাজ্যৰ বিভিন্ন প্ৰান্তলৈ গৈছে টীম ‘ৰাঘৱ’ ৷ তেনেদৰেই আজি উজনিৰ তিনিচুকীয়াৰ ৰংঘৰ চিনেমা হ’লত উপস্থিত হ’ল যতীন বৰা, নিশিতা গোস্বামী, নৱনীতা বৰা, চুমী বৰাসহ ৰাঘৱৰ কলা-কুশলীসকল ৷  

২৭ অক্টোবৰত মুক্তি পাব লগা ছবিখনৰ বিষয়ে সংবাদমেলৰ জৰিয়তে বহু কথা ব্যক্ত কৰিলে যতীন বৰাই ৷ দীৰ্ঘদিনৰ এক পৰিকল্পনা বুলি অভিহিত কৰি ৰাইজে বিচৰা ধৰণৰ এখন ছবি পাব বুলি কয় অভিনেতাগৰাকীয়ে ৷ সেয়েহে সকলোকে ছবিখন উপভোগ কৰিবলৈ ছবিগৃহলৈ আগবাঢ়ি যাবলৈ আহ্বান জনায় যতীন বৰাই ৷

সমান্তৰালভাৱে অভিনেত্ৰী নিশিতা গোস্বামীয়েও এখন অতি উন্নতমানৰ ছবি বুলি উল্লেখ কৰি ৰাইজৰ পৰা সহযোগিতা আহ্বান জনায় ৷ লগতে সামাজিক মাধ্যমৰ পৰা ছবিজগতলৈ বৰ্ণিল যাত্ৰাৰ অংশীদাৰিত্ব লাভ কৰা যুৱ নৃত্য নিৰ্দেশক তথা অভিনেত্ৰী চুমী বৰায়ো নিজকে এনে এখন ছবিত অভিনয় কৰিবলৈ পায় গৌৰৱান্বিত বুলি সদৰী কৰে ।  

লগতে পঢ়ক:New Assamese film Raghav: তিনিচুকীয়াত জ্ঞান মহোৎসৱত ৰাঘৱৰ প্ৰচাৰ