Burning Car: বৰভগীয়াত শিল পৰিবাহী ডাম্পাৰ আৰু ছুইফট বাহন মাজত সংঘৰ্ষ - কলিয়াবৰৰ বৰভগীয়াত অঘটন

কলিয়াবৰ, 12 ছেপ্টেম্বৰ : কলিয়াবৰৰ বৰভগীয়াত অঘটন ৷ মঙলবাৰে পুৱাৰ ভাগত কলিয়াবৰৰ বৰভগীয়া চাৰিআলিত 37 নং ৰাষ্ট্ৰীয় ঘাইপথত এখন শিল কঢ়িওৱা ডাম্পাৰ আৰু ছুইফট বাহনৰ মাজত সংঘৰ্ষ হয় ৷ ফলত কেই মুহূৰ্তমানৰ ভিতৰতে দাউদাউকৈ জ্বলি উঠে ছুইফট বাহনখন ৷ এই দুৰ্ঘটনাটোত ছুইফট বাহনখনত থকা দুজন লোক আহত হৈছে ৷

আহতসকলক বৰ্তমান চিকিৎসালয়লৈ প্ৰেৰণ কৰা হৈছে ৷ এই কথা সংবাদ মাধ্যমৰ আগত সদৰী কৰিছে অগ্নি নিৰ্বাপক বাহিনীৰ লোক আৰু স্থানীয় ৰাইজে ৷ দুৰ্ঘটনাগ্ৰস্ত ডাম্পাৰখনৰ নম্বৰ হৈছে AS 02 DC 1562 আৰু ছুইফটখনৰ নম্বৰ AS 06 AH 8493 বুলি জানিব পৰা গৈছে ৷

প্ৰত্যক্ষদৰ্শীয়ে উল্লেখ কৰা অনুসৰি, শিল পৰিবাহী ডাম্পাৰখনে কোনো সংকেট নিদিয়াকৈ ইউ টাৰ্ণ ল’বলৈ ধৰিছিল ৷ তেনেতে একে দিশতে আহি থকা ছুইফট বাহনখনে ডাম্পাৰখনক পিচফালৰ পৰা প্ৰচণ্ড জোৰত খুন্দা মাৰে ৷ খুন্দা মৰাৰ পিচতেই মুহূৰ্ততে জ্বলি উঠে ছুইফটখনৰ সন্মুখভাগ ।

তাৰ পাচতে খবৰ দিয়া হয় অগ্নি নিৰ্বাপক বাহিনীৰ লোকক ৷ পৰৱৰ্তী সময়ত ঘটনাস্থলীত অগ্নি নিৰ্বাপক বাহিনীৰ লোক উপস্থিত হৈ জুই নিৰ্বাপিত কৰে যদিও ছুইফটখনৰ সন্মুখভাগ সম্পূৰ্ণৰূপে জ্বলি শেষ হৈ যায় ৷

লগতে পঢ়ক :Dibrugarh murder case : হত্যাৰ পূৰ্বে যুৱতীৰ সৈতে ধাবাত সুৰাপান কৰিছিল আজিজে; পোহৰলৈ আহিছে বহু বিস্ফোৰক তথ্য