Sudden visit of Lakhimpur DC : লখিমপুৰত নিলম্বিত প্ৰধান শিক্ষয়িত্ৰী
লখিমপুৰ, ১০ জুন :ৰাজ্যবাসীক প্ৰচণ্ড গৰমে দহিছে (Heat waves hits Assam) ৷ এই গৰমৰ বাবে শিক্ষাৰ্থীসকলক সকাহ দিবলৈ ৰাজ্য চৰকাৰে বিদ্যালয়ৰ পাঠদানৰ সময়সূচী সলনি কৰিছে (School time change in Assam) ৷ কিন্তু ইয়াৰ পাচতো ৰাজ্যৰ শিক্ষা বিভাগৰ জাননীক কেৰেপ নকৰি নিজৰ খেয়ালখুচী মতে বিদ্যালয়ত একাংশ শিক্ষক উপস্থিত হোৱাৰ অভিযোগ উঠিছে ৷ সেয়েহে বিদ্যালয়ৰ অনিয়মৰ বিৰুদ্ধে কঠোৰ স্থিতি গ্রহণ কৰিছে লখিমপুৰ জিলাৰ আয়ুক্ত সুমিত সাত্বাৱানে । দুদিন পূৰ্বে এখন বিদ্যালয়ত ছাডেন ভিজিট দি অনিয়ম প্ৰত্যক্ষ কৰি প্ৰধান শিক্ষয়িত্ৰীক নিলম্বিত কৰাৰ পাচত শনিবাৰেও এখন বিদ্যালয়ত কেতবোৰ অনিয়ম প্ৰত্যক্ষ কৰি প্ৰধান শিক্ষয়িত্ৰীক বিদ্যালয়ৰ পৰাই বিদায় দিয়ে আয়ুক্তই।
শনিবাৰে লখিমপুৰৰ বছাগাঁও উচ্চতৰ মাধ্যমিক বিদ্যালয়ত উপস্থিত হৈ জিলা আয়ুক্ত সুমিত সাত্বাৱানে প্ৰধান শিক্ষয়িত্ৰী দিপ্তী বৰাৰ কেতবোৰ অনিয়ম প্ৰত্যক্ষ কৰি বিদ্যালয়খনৰ পৰাই বিদায় দিলে প্ৰধান শিক্ষয়িত্ৰী গৰাকীক (Basagaon School Headmaster Suspended)। উল্লেখ্য় যে প্ৰধান শিক্ষয়িত্ৰী গৰাকীৰ কৰ্মকাণ্ডই পৰিচালনা সমিতিৰ লগতে গাৱঁৰ অনুষ্ঠান প্ৰতিষ্ঠানৰ বিষয়ববীয়া সকলক বিমোৰত পেলাই আহিছল । বিদ্যালয়খনৰ শিক্ষকসকলৰ মাজত মতানৈক্য, প্ৰশাসনিক দিশত বেমেজালিৰ লগতে বিদ্যালয়খনৰ উন্নয়নৰ ক্ষেত্ৰতো বহুত অনিয়ম আৰু বিসংগতি হোৱা প্ৰত্যক্ষ কৰে জিলা আয়ুক্তই ।
বিদ্যালয়খনৰ আন্তঃগাঁথনি পুজি ,বিদ্যালয় গৃহৰ মেৰামতি,মধ্যাহ্ন ভোজন আদি সকলোতে অনিয়ম দেখি প্ৰধান শিক্ষয়িত্ৰীগৰাকীৰ বিৰুদ্ধে তেওঁ এই ব্যবস্থা গ্রহণ কৰে। আনহাতে, বিদ্যালয়খনৰ যাৱতীয় নথি পত্ৰৰ ফাইল বিচৰাত প্ৰধান শিক্ষয়িত্ৰীগৰাকীয়ে সঠিকভাৱে কোনো এটা বিভাগৰ নথিপত্ৰ দেখুৱাবলৈ অপাৰগ হয় ।
লগতে পঢ়ক:Sudden visit of Lakhimpur DC : লখিমপুৰৰ স্কুলত ছাডেন ভিজিট উপায়ুক্তৰ; নিলম্বিত হ’ল প্ৰধান শিক্ষক