Drugs seized: খানাপাৰাত পুনৰ STF ৰ অভিযান, চাৰি ড্ৰাগছ সৰবৰাহকাৰীক গ্ৰেপ্তাৰ - এছটিএফৰ অভিযান
Published : Oct 19, 2023, 2:02 PM IST
গুৱাহাটী, ১৯ অক্টোবৰ:মহানগৰীৰ খানাপাৰাত পুনৰ এছটিএফৰ অভিযান ৷ এই অভিযানত অভিযানকাৰী দলটোৱে চাৰিটাকৈ ড্ৰাগছ সৰবৰাহকাৰীক গ্ৰেপ্তাৰ কৰে । ধৃত সৰবৰাহকাৰীকেইটা ক্ৰমে ধন ৰাভা, আইনুল শ্বেইখ, কেতেপ বড়ো, সুনাভানো বেগম বুলি জানিব পৰা গৈছে । সৰবৰাহকাৰী কেইটাৰ পৰা ৯০ টা হেৰ’ইন ভৰ্তি কন্টেইনাৰ জব্দ কৰিবলৈ সক্ষম হয় এছটিএফৰ দলটো ।
বৃহস্পতিবাৰে পুৱা খানাপাৰা উৰণীয়া সেঁতুৰ সমীপৰ পৰা কপিল পাঠকৰ নেতৃত্বত যোৱা STF ৰ এটা দলে অভিযান চলাই চাৰিটাকৈ সৰবৰাহকাৰীক গ্ৰেপ্তাৰ কৰিবলৈ সক্ষম হয়। লগতে প্ৰায় ৯০ টা হেৰ’ইন ভৰ্তি কন্টেইনাৰ, নগদ ধন, মোবাইল ফোনৰ লগতে চিৰিঞ্জ জব্দ কৰে।
উল্লেখ্য যে, বিগত কেইটামান দিনৰ ভিতৰতে কপিল পাঠকৰ নেতৃত্বত চলা অভিযানত মহানগৰীৰ বিভিন্ন স্থানৰ পৰা বহু পৰিমাণে জব্দ কৰা হৈছে বহু নিচাজাতীয় নিষিদ্ধ সামগ্ৰী। লগতে গ্ৰেপ্তাৰ কৰা হৈছে বহুকেইটাক ।