Green Revolution in Teok: কমাৰ খাটোৱালত শ্ৰীমন্ত শংকৰদেৱ সংঘৰ সেউজ বিপ্লৱৰ শুভাৰম্ভ - শ্ৰীমন্ত শঙ্কৰদেৱ সঙ্ঘ
টীয়ক, 31 জুলাই : শ্ৰীমন্ত শংকৰদেৱ সংঘৰ যোৰহাট জিলা শাখাৰ অন্তৰ্গত টীয়ক আঞ্চলিক শাখাৰ ১৫ নং কমাৰখাটোৱাল প্ৰাথমিক শাখাই আৰম্ভ কৰিছে সেউজ বিপ্লৱৰ ৷ আগন্তুক ২০২৫ চনত কাকজান বেচাপথাৰত অনুষ্ঠিত হ’বলগীয়া শ্ৰীমন্ত শংকৰদেৱ সঙ্ঘৰ ৯৪ সংখ্যক বাৰ্ষিক অধিবেশনৰ ভকত সেৱাৰ বাবে এই সেউজ বিপ্লৱ আঁচনিৰ সোমবাৰে শুভাৰম্ভ কৰে ৷
এই শুভাৰম্ভ অনুষ্ঠানত জিলা শাখাৰ উপ সভাপতি সুৰেণ শইকীয়া, আঞ্চলিক শাখাৰ সভাপতি দেৱেন্দ্ৰনাথ দত্ত, প্ৰাথমিক শাখাৰ সভাপতি অজিত দোলাকাষৰীয়া, সম্পাদক আনন্দ বৰুৱা, টীয়ক প্ৰেছ ক্লাবৰ সম্পাদক দিগন্ত হাজৰিকা, আপকু যোৰহাট জিলা সমিতিৰ উপদেষ্টা সত্যৰঞ্জন শইকীয়া, আপকু কেন্দ্ৰীয় সদস্য অমৃত দত্ত, টীয়ক প্ৰেছ ক্লাবৰ সদস্য ঈচফাক আহমেদ আৰু প্ৰাথমিক শাখাৰ সকলো সদস্য উপস্থিত থাকে ৷ ইফালে প্ৰায় ২০ বিঘা ভূমিত শালি ধানৰ খেতিৰ এই আচঁনি শুভাৰম্ভ কৰে আঞ্চলিক শাখাৰ সভাপতি দেৱেন্দ্ৰনাথ দত্তই ৷
লগতে পঢ়ক :Wild elephant in Majuli: মাজুলীত অব্যাহত বন্যহস্তীৰ ত্ৰাস