Science and Arts Exhibition: মৰাণৰ স্বামী বিবেকানন্দ কেন্দ্ৰীয় বিদ্যালয়ত বিজ্ঞান আৰু কলা প্ৰদৰ্শনী

ৰাজ্যৰ প্ৰান্তে প্ৰান্তে বিস্তৃত কাৰ্যসূচীৰে আয়োজন কৰা হৈছে শিশু দিৱস(Children Day 2022) । ডিব্ৰুগড় জিলাৰ মৰাণৰ তিলৈৰ স্বামী বিবেকানন্দ কেন্দ্ৰীয় বিদ্যালয়ত শিশু দিৱসৰ সৈতে সংগতি ৰাখি দুদিনীয়াকৈ অনুষ্ঠিত হৈছে বিজ্ঞান আৰু কলা প্ৰদৰ্শনী অনুষ্ঠান(Science and Arts Exhibition) । বিদ্যালয়খনৰ প্ৰাংগণত অনুষ্ঠিত হোৱা উদ্বোধনী অনুষ্ঠানত মুখ্য অতিথি হিচাপে উপস্থিত থাকে লোক সংস্কৃতিৰ সাধক ড° অনিল শইকীয়া । ক'ভিডৰ বাবে দুটা বছৰ মানসিক ভাৱে ভাগি পৰা ছাত্ৰ-ছাত্ৰী সকলক পুনৰ সবল কৰাৰ উদ্দেশ্যে এই অনুষ্ঠানটো অনুষ্ঠিত কৰা হৈছে । এই অনুষ্ঠানে ছাত্ৰ-ছাত্ৰী সকলক কিঞ্চিৎ হ'লেও মোবাইলৰ পৰা আঁ‌তৰত ৰাখিব বুলি আশাবাদী শিক্ষক সকল ।