Murder case: কুলাংগাৰ পুত্ৰৰ হাতত প্ৰাণ গ’ল পিতৃৰ

সৰুপথাৰ, 15 ছেপ্টেম্বৰ : গোলাঘাটৰ বৰপথাৰত জঘন্য হত্যাকাণ্ডৰ ঘটনা সংঘটিত হৈছে ৷ বৰপথাৰ আৰক্ষী থানাৰ অন্তৰ্গত টেঙানীৰ আলিচিঙা গাঁৱত সংঘটিত হৈছে এই লোমহৰ্ষক হত্যাকাণ্ডৰ ঘটনা । পাৰিবাৰিক কন্দলৰ ভয়ংকৰ পৰিণতিত পুত্ৰই হত্যা কৰিলে পিতৃক । 

জানিব পৰা মতে পিতৃ মন্টু নাগবন্সীয়ে ঘৰৰ কাষতে অনুষ্ঠিত হোৱা মা মনসাৰ পূজা চাই ঘৰলৈ ঘূৰি অহাৰ পিচতেই ২০ বছৰীয়া পুত্ৰ বিকাশ নাগবন্সীৰ সৈতে কাজিয়াত লিপ্ত হয় ৷ পৰৱৰ্তী সময়ত এই কাজিয়াই ভয়ংকৰ ৰূপ লোৱাত পাষাণ পুত্ৰই টৰ্চ লাইটেৰে মৰিয়াই মৰিয়াই হত্যা কৰে পিতৃক । 

ইতিমধ্যে ঘটনা সন্দৰ্ভত বৰপথাৰ আৰক্ষীয়ে নিশাই গ্ৰেপ্তাৰ কৰিছে হত্যাকাৰী পুত্ৰ বিকাশ নাগবন্সীক । আনহাতে এই ঘটনা সন্দৰ্ভত বৰপথাৰ আৰক্ষীয়ে গোচৰ ৰুজু কৰি আৰম্ভ কৰিছে তদন্ত প্ৰক্ৰিয়া।

লগতে পঢ়ক:Brutal murder Morigaon: পৰকীয়া প্ৰেমৰ বাটত বাধা আছিল স্বামী; প্ৰেমিকৰে মিলি আঁতৰালে বাধা !