Sensational Murder in Sivasagar: জোঁৱায়েকে শহুৰেকক হত্যা কৰি পুতিলে গাঁতত

শিৱসাগৰ জিলাৰ নাজিৰাৰ গেলেকীৰ দেওপানী ইটাখোলা খনা গাঁৱত সংঘটিত হৈছে এক নৃশংস হত্যাকাণ্ড । নাজিৰা মহকুমাৰ গেলেকী আৰক্ষী থানাৰ অন্তৰ্গত দেওপানী ইটাখোলা গাঁৱৰ বাসিন্দা চিকাৰী ঘাটোৱাৰক নিজ জোঁৱায়েকে অতি নিষ্ঠুৰভাৱে হত্যা কৰি ঘৰৰ বাৰীতে লাগি থকা নামতি নদীৰ কাষত এটা গাঁতত পুতি থোৱা ঘটনাই অঞ্চলজুৰি চাঞ্চল্যৰ সৃষ্টি কৰিছে(Son in law killed father in law ) ৷ জোৱায়েক কমল ঘাটোৱাৰে ১ জানুৱাৰী দিনা এখন কুঠাৰেৰে মৰিয়াই অতি নৃশংস ভাৱে হত্যা কৰি বাৰীত পুতি থৈছিল নিজ শহুৰেকক । গেলেকী আৰক্ষীয়ে গোপন সূত্ৰে এই ঘটনাৰ সন্দৰ্ভত তথ্য লাভ কৰি আজি পুৱতি নিশা আটক কৰে অভিযুক্ত হত্যাকাৰী জোৱায়েক কমল ঘাটোৱাৰ, পত্নী মাইনা ঘাটোৱাৰ আৰু মৃত চিকাৰী ঘাটোৱাৰ পত্নী ধনেশ্বৰী ঘাটোৱাৰক । পাৰিবাৰিক কন্দলৰ ফলতেই এই ঘটনা সংঘটিত হোৱাৰ সন্দেহ কৰিছে আৰক্ষীয়ে ৷