শিল্পী দিৱসত বিশিষ্ট বাঁহীবাদক দীপক শৰ্মাক সম্বৰ্ধনা - বাঁহীবাদক দীপক শৰ্মাক সম্বৰ্ধনা

নগাঁও, ১৭ জানুৱাৰী : আজি ৰাজ্য়জুৰি পালন কৰা হৈছে ৰূপকোঁৱৰ জ্য়োতিপ্ৰসাদ আগৰৱালাৰ মৃত্য়ু তিথি । ৰাজ্য়ৰ আন ঠাইৰ লগতে নগাঁৱতো উদযাপন কৰা হয় শিল্পী দিৱস । ৰূপকোঁৱৰ জ্যোতিপ্ৰসাদ আগৰৱালাৰ মৃত্যু দিনটোতেই পালন কৰা শিল্পী দিৱসত নগাঁৱৰ এগৰাকী বিশিষ্ট শিল্পী দীপক শৰ্মাক শিল্পী সম্বৰ্ধনা জনোৱা হয় ।  বিশিষ্ট বাঁহীবাদক তথা আকাশবাণী গুৱাহাটী কেন্দ্ৰৰ স্বীকৃতিপ্ৰাপ্ত সুৰকাৰ দীপক শৰ্মাক বুধবাৰে শিল্পী দিৱসৰ দিনাই নগাঁও ভোগালী উৎসৱ উদযাপন সমিতি,মাৰোৱাৰী সন্মিলনী, নগাঁও পৌৰসভাকে আদি কৰি কেইবাটাও অনুষ্ঠানৰ উদ্যোগত আয়োজিত শিল্পী দিৱসৰ অনুষ্ঠানত সম্বৰ্ধনা জ্ঞাপন কৰে বিধায়ক ৰূপক শৰ্মাই ।  

নগাঁও চহৰৰ মাজমজিয়াৰ ঢাকাইপট্টিত থকা ৰূপকোঁৱৰ জ্যোতিপ্ৰসাদ আগৰৱালাৰ আৱক্ষ মূৰ্তিত মাল্যাৰ্পণ কৰাৰ লগতে শ্ৰদ্ধাঞ্জলি জ্ঞাপন কৰে বিধায়ক ৰূপক শৰ্মাৰ লগতে উদ্যোক্তাসকলে । শিল্পী সম্বৰ্ধনা গ্ৰহণ কৰি অভিভূত হৈ পৰে বিশিষ্ট শিল্পী বাঁহীবাদক দীপক শৰ্মা ।

লগতে পঢ়ক:শিল্পী দিৱসৰ দিনা বন্ধ ৰখা হ’ল বিদ্যালয়, স্থানীয় ৰাইজৰ তীব্ৰ প্ৰতিক্ৰিয়া