Shoplift at mobile shop in raha: ৰহাত চোৰৰ চকু পৰিল মোবাইল ফোনৰ বিপণীত - চুৰিকাণ্ড
ৰহা, 21 জুলাই : ৰাজ্যত বাঢ়িবলৈ লৈছে চুৰিকাণ্ড ৷ চোৰৰ উপদ্ৰৱত শান্তিৰে শুব নোৱাৰা হৈছে ৰাইজ ৷ অপৰাধৰ সমান্তৰালকৈ পেট্ৰ’লিং বাঢ়িছে যদিও কিন্তু ক্ষান্ত হোৱা নাই চোৰৰ চুৰিকাণ্ড ৷ ৰহা চহৰৰ মাজ মজিয়াত বৃহস্পতিবাৰে নিশা চোৰৰ উপদ্ৰৱ । ৰহাৰ নতুন চাৰিআলিৰ সমীপত আৰ জে মোবাইল নামৰ মোবাইলৰ বিপণীখনত সংঘটিত হয় এই চাঞ্চল্যকৰ চুৰিকাণ্ড । দোকানখনৰ তলা ভাঙি চোৰে চলালে চাফাই অভিযান ।
মোবাইলৰ দোকানখনত সোমাই চোৰে চিচিটিভি কেমেৰা ভাঙি লুটিলে মোবাইল, হেডফোন আৰু নগদ ধনসহ লক্ষাধিক টকাৰ সা-সামগ্ৰী । কাষতে থকা ই হাব নামৰ আন এক মোবাইল বিপণীতো চোৰে তলা ভঙাৰ চেষ্টা কৰিছিল যদিও বিফল হয় । ৰাষ্ট্ৰীয় পথৰ কাষতে থকা তথা আৰক্ষীৰ টহলৰ মাজতে এনে চুৰিকাণ্ড ঘটনাই এতিয়া চাঞ্চল্যৰ সৃষ্টি কৰিছে অঞ্চলটোত।
লগতে পঢ়ক :Guwahati mobile shop theft incident: আৰক্ষী নিদ্ৰাত; হাতীগাঁৱত পুৱতি নিশা চোৰৰ হাত চাফ