Murder at Duliajan: পত্নীক হত্যা কৰি মাটি দ’মত পুতি থলে স্বামীয়ে - পত্নীক হত্যা কৰি মাটি দ’মত পুতি থলে স্বামীয়ে

ডিব্ৰুগড়,18 ছেপ্টেম্বৰ : দুলীয়াজানত সংঘটিত হৈছে এক চাঞ্চল্যকৰ ঘটনা । মাটিত পুতি থোৱা অৱস্থাত এগৰাকী মহিলাৰ মৃতদেহ উদ্ধাৰক লৈ দুলীয়াজানৰ টিপলিঙত তীব্ৰ চাঞ্চল্য সৃষ্টি হয় । দ’মাই থোৱা মাটিত পুতি থোৱা অৱস্থাত উদ্ধাৰ কৰে মহিলাৰ মৃতদেহ ৷ ইতিমধ্যে ঘটনাস্থলীত আৰক্ষী উপস্থিত হৈ উদ্ধাৰ কৰে মৃতদেহটো ৷ উদ্ধাৰ কৰা মৃতদেহটো দুলীয়াজানৰ টিপলিঙৰ খেবা মুৰাৰীৰ পত্নী দিপালী মুড়া বুলি চিনাক্ত কৰা হৈছে ৷

স্থানীয় ৰাইজৰ অভিযোগ অনুসৰি, দেওবাৰে ৰাইজে খেবা মুৰাৰীক তেওঁৰ পত্নীৰ বিষয়ে সোধ-পোছ কৰাত পত্নী পিতৃ ঘৰলৈ যোৱা বুলি জানিবলৈ দিছিল। কিন্তু ৰাইজৰ সন্দেহ হোৱাত সোমবাৰে খেবা মুৰাৰীক ৰাইজে প্ৰহাৰ কৰে ৷ তাৰ পাচতে পত্নী দিপালী মুড়াক হত্যা কৰি পুতি থোৱাৰ কথা স্বীকাৰ কৰে খেবা মুৰাৰীয়ে ৷

ইতিমধ্যে ঘটনা সন্দৰ্ভত আৰক্ষীয়ে এক গোচৰ ৰুজু কৰি অভিযুক্ত খেবা মুৰাৰীক আটক কৰি দুলীয়াজান আৰক্ষী থানাত মাৰাথন জেৰা অব্যাহত ৰাখিছে । কি কাৰণে মহিলাগৰাকীক হত্যা কৰিলে বৰ্তমানেও জানিব পৰা হোৱা নাই ৷ 

লগতে পঢ়ক:Theft at Tingkhong : টিংখাঙৰ ঔফুলীয়া নামঘৰত চোৰৰ চাফাই অভিযান