Injured Wild Buffalo at KNP: কাজিৰঙাত শৰবিদ্ধ ম’হৰ সন্ধানত বন বিভাগৰ অভিযান - Injured Wild Buffalo at KNP

দেওবাৰে কাজিৰঙা ৰাষ্ট্ৰীয় উদ্যানত শৰবিদ্ধ হয় এটা বনৰীয়া ম'হ (Kaziranga national park)৷ শৰবিদ্ধ ম'হটো কাঞ্চনজুৰি 'ভিউ পইণ্ট'ৰ ওচৰত প্ৰত‍্যক্ষ কৰিছিল স্থানীয় লোক আৰু বনৰক্ষীয়ে (Injured Wild Buffalo at Kaziranga national park) । অৱশ্যে বৰ্তমানেও বন বিভাগে সন্ধান উলিয়াব পৰা নাই শৰবিদ্ধ বনৰীয়া ম’হটোৰ ৷ ম’হটো কলিয়াবৰৰ কাঞ্চনজুৰিৰ ৰাষ্ট্ৰীয় ঘাইপথৰ কাষৰ হাবিতে আছে বুলি সন্দেহ প্ৰকাশ কৰিছে বনবিভাগে । কাজিৰঙা ৰাষ্ট্ৰীয় উদ্যানৰ বনবিভাগৰ লগতে পানবাৰীস্থিত বন‍্যপ্ৰাণী পুনৰ সংস্থাপন কেন্দ্ৰ (CWRC)ৰ এটি দল উপস্থিত হৈছে ৰাষ্ট্ৰীয় উদ্যানখনত । ম’হটোক চিনাক্ত আৰু চিকিৎসা প্ৰদানৰ বাবে দুটা হাতীৰ জৰিয়তে ঘটনাস্থলীলৈ ৰাওনা হৈছে বনবিভাগৰ এটি দল । এই পৰ্যন্ত আঘাতপ্ৰাপ্ত ম’হটোৰ সন্ধান উলিয়াব নোৱাৰি ড্ৰোণৰ জৰিয়তেও শৰবিদ্ধ বনৰীয়া ম'হটোৰ বন বিভাগে সন্ধান চলাইছে বুলি জানিবলৈ পৰা গৈছে ।