Nalbari robbery incident : নলবাৰীৰ মুকালমুৱাৰ বাজাজ ডিলাৰত চুৰিকাণ্ড
নলবাৰী, ১৬ জুন : নলবাৰীৰ মুকালমুৱাত অঘটন ৷ মুকালমুৱাত এটা দুচকীয়া বাহনৰ ডিলাৰত বৃহস্পতিবাৰে নিশা সংঘটিত হয় এই চুৰিকাণ্ডৰ ঘটনাটো । আনোৱাৰা অ’টো এজেঞ্চী নামৰ বাজাজ কোম্পানীটোৰ বাইকৰ ডিলাৰটোত সংঘটিত হয় এই চুৰিকাণ্ডৰ ঘটনাটো ।
ডিলাৰটোৰ পিচপিনৰ চাটাৰ খুলি নিশা চুৰিকাণ্ডৰ ঘটনা সংঘটিত কৰে চোৰে । পুৱাই ডিলাৰ খোলাৰ পিচত কৰ্মচাৰীসকলে পিচপিনৰ চাটাৰখন খোল খাই থকা অৱস্থাত প্ৰত্যক্ষ কৰে । চোৰে ডিলাৰটোৰ ভিতৰত প্ৰৱেশ কৰি বাইকৰ বিভিন্ন পাৰ্টচ চুৰি কৰি লৈ যায় । প্ৰায় আঢ়ৈ লাখ টকাৰ সা-সামগ্ৰী চোৰে লুটি লৈ যোৱা বুলি ডিলাৰটোৰ কৰ্মচাৰীয়ে জানিবলৈ দিয়ে ।
ইতিমধ্যে এই চুৰিকাণ্ডৰ ঘটনাৰ সন্দৰ্ভত ডিলাৰটোৰ কৰ্মচাৰীয়ে মুকালমুৱা আৰক্ষী থানাত এখন এজাহাৰ দাখিল কৰিছে । ঘটনাস্থলীত মুকালমুৱা আৰক্ষী উপস্থিত হৈ তদন্ত প্ৰক্ৰিয়া আৰম্ভ কৰিছে ।
লগতে পঢ়ক :Majuli Nimati ferry service : বিপদসংকুলভাৱে 108 এম্বুলেঞ্চৰ যাত্ৰা