ভোগালীৰ আনন্দৰ মাজতে নলবাৰীত পথ দুৰ্ঘটনাত মৃত্যু এজনৰ - Nalbari Road Accident

নলবাৰী, 15 জানুৱাৰী :ভোগালীৰ আনন্দ-উলাহৰ মাজতে নলবাৰীত সংঘটিত হ’ল এক ভয়ংকৰ পথ দুৰ্ঘটনা ৷ হাজো-নলবাৰী পথৰ বেটকাটাত সংঘটিত হয় এই দুৰ্ঘটনা ৷ এখন অট'ৰিক্সা, বাইক আৰু এখন স্কুটীৰ মাজত মুখামুখি সংঘৰ্ষৰ ফলত সংঘটিত হয় এই দুৰ্ঘটনাৰ ৷ দুৰ্ঘটনাৰ ফলত থিতাতে নিহত হয় স্কুটী আৰোহীজন ৷ নিহত ব্যক্তিজন নলবাৰীৰ কৰিয়াৰ প্ৰণৱ দাস বুলি জানিব পৰা গৈছে ৷

আনহাতে AS 01 RC 3154 নম্বৰৰ অট'ৰিক্সাৰ তিনিজন আৰোহী গুৰুতৰভাৱে আহত হয় এই দুৰ্ঘটনাত ৷ আহত আটাইকেইজনকে নলবাৰী মেডিকেল কলেজ হাস্পতাললৈ প্ৰেৰণ কৰা হৈছে ৷ আহত সকলৰ নাম আৰু পৰিচয় জানিব পৰা হোৱা নাই ৷

উল্লেখযোগ্য যে নম্বৰপ্লেট বিহীন স্কুটীখন নলবাৰীৰ পৰা হাজো অভিমুখে গৈ আছিল ৷ আনহাতে অট'খন গুৱাহাটীৰ পৰা নলবাৰী অভিমুখী আছিল ৷ ইফালে AS 25 L 6364 নম্বৰৰ এখন হিৰো মটৰ চাইকেলো এই দুৰ্ঘটনাত পতিত হয় ৷ মটৰ চাইকেল আৰোহীজনৰো পৰিচয় জানিব পৰা হোৱা নাই ৷

লগতে পঢ়ক :  ভোগালীৰ আনন্দৰ মাজতেই দেৰগাঁৱত আকৌ পথ দুৰ্ঘটনা