Rifle recovered in Biswanath: কাজিৰঙাৰ গঁড় হত্যাত ব্যৱহৃত ৰাইফল উদ্ধাৰ - কাজিৰঙাৰ গঁড় হত্যাত ব্যৱহৃত ৰাইফল উদ্ধাৰ

চোৰাং চিকাৰীৰ বিৰুদ্ধে বিশ্বনাথ আৰক্ষীৰ বৃহৎ সফলতা । গঁড় চিকাৰীয়ে ব্যৱহাৰ কৰা এটা ৰাইফল উদ্ধাৰ কৰে আৰক্ষীয়ে (Rifle recovered in Biswanath)। চতিয়াৰ ১ নং আদাভেদীত বস্তাত ভৰাই মাটিত পুতি থোৱা অৱস্থাত উদ্ধাৰ হয় ৰাইফলটো ৷ ধৃত গঁড় চিকাৰী আব্দুল মতিনৰ তথ্যৰ ভিত্তিত বিশ্বনাথ আৰক্ষীয়ে অভিযান চলাই উদ্ধাৰ কৰে ৰাইফলটো । উল্লেখ্য যে চলিত বছৰৰ জানুৱাৰী মাহত কাজিৰঙাত সংঘটিত হোৱা শেষৰটো গঁড় হত্যাৰ ঘটনাত ব্যৱহাৰ কৰা হৈছিল এই ম'ডিফাইড ৩০৩ ৰাইফলটো ৷ আনহাতে চোৰাং চিকাৰী আব্দুল মতিন দীৰ্ঘদিন ধৰি পলাতক হৈ আছিল যদিও কিছুদিন পূৰ্বে দৰং আৰক্ষীয়ে গ্ৰেপ্তাৰ কৰিবলৈ সক্ষম হয় (Rhino poacher arrested)। দেওবাৰে বিশ্বনাথ আৰক্ষীয়ে তদন্তৰ বাবে নিজৰ জিম্মাত লয় মতিনক । জেৰাৰ অন্তত মতিনৰ স্বীকাৰোক্তিৰ ভিত্তিত মঙলবাৰে বিশ্বনাথ আৰক্ষীয়ে অভিযান চলাই ৰাইফলটো উদ্ধাৰ কৰে ।