Raas Mahotsav in Tihu: ৰাসথলীত লোকাৰণ্য পৰিৱেশ - কৃষিমন্ত্ৰী অতুল বৰা

ৰাজ্যত ৰাসৰ উদুলি মুদুলি পৰিৱেশ (Raas Mahotsav in Tihu)৷ টিহু নদীৰ বাকৰিত অনুষ্ঠিত হোৱা টিহু বাৰোৱাৰী ৰাস মহোৎসৱত শনিবাৰে হাজাৰ হাজাৰ দৰ্শকে ভিৰ কৰা পৰিলক্ষিত হয় । অসম চৰকাৰৰ মন্ত্ৰী ৰণজিৎ কুমাৰ দাসে (Minister Ranjeet Kumar Dass) টিহুৰ ৭০ সংখ্যক বাৰোৱাৰী ৰাস মহোৎসৱ মুকলি কৰে ৷ টিহুৰ ৰাস মহোৎসৱত মৃন্ময় মূৰ্তি, মিনা বজাৰ আদিত যথেষ্ট সংখ্যক দৰ্শকে ভিৰ কৰাৰ লগতে সাংস্কৃতিক অনুষ্ঠানে দৰ্শকক আকৰ্ষণ কৰা পৰিলক্ষিত হয় । ৰাস উদযাপন সমিতিয়ে দৰ্শকে যাতে কোনোধৰণৰ অসুবিধাৰ সন্মুখীন হ'বলগীয়া নহয় তাৰ বাবে স্বেচ্ছাসেৱক আৰু গাঁওৰক্ষী বাহিনীৰ সদস্য নিয়োগ কৰিছে । ৰাস মহোৎসৱৰ প্ৰচাৰ বিভাগৰ সভাপতি অজিত কুমাৰ শৰ্মাই জনায় যে ইতিমধ্যে অসম চৰকাৰৰ শ্ৰম মন্ত্ৰী সঞ্জয় কিষাণৰ লগতে কৃষিমন্ত্ৰী অতুল বৰায়ো এই ৰাসত ভাগ লৈছেহি (Minister Atul Bora) ৷