Bhogali bihu celebration: ভোগালী বিহু উপলক্ষে জনিয়াৰ মেধিৰটাৰিত পুষুৰা মেলা

জনীয়া সমষ্টিৰ অন্তৰ্গত মেধিৰটাৰিত মাঘ বিহু উপলক্ষে ৪৬ সংখ্যক পুষুৰা মেলাৰ আয়োজন (Pussura Mela at Jonia)। 13 জানুৱাৰীৰ পৰা 18 জানুৱাৰীলৈ চলিব এই কাৰ্যসূচী । 6 দিনীয়া বৰ্ণাঢ্য কাৰ্যসূচীৰে মাঘবিহু উদযাপনৰ মহা আয়োজন মেধিৰটাৰিত । ভোগালী বিহুৰ লগত সংঘতি ৰাখি বিগত ৪৬ বছৰ ধৰি মেধিৰটাৰীত এইদৰে প্ৰচলিত হৈ আহিছে পৰম্পৰাগত এই পুষুৰা উৎসৱ (Traditions of Pussura Mela) । শুকুৰবাৰে বিয়লিত মাঘবিহু আৰু পুষুৰা উৎসৱ উপলক্ষে এটি বৰ্ণাঢ্য সাংস্কৃতিক শোভাযাত্ৰা উলিওৱা হয় মেধিৰটাৰীত । শোভাযাত্ৰাত মুখ্য অতিথি হিচাপে উপস্থিত থাকে বৰপেটা জিলা ভাৰতীয় জনতা পাৰ্টীৰ সাধাৰণ সম্পাদিকা দিপা কলিতা । পুষুৰা উৎসৱত প্ৰতিবছৰে পালন কৰা হয় পৰম্পৰাগত মিঞা লোক সংস্কৃতি লাঠিবাৰী খেল । এই লাঠিবাৰী খেলে ৰাইজক আনন্দ দিয়াৰ লগতে ৰক্ষা কৰি আহিছে পৰম্পৰাগত লোক সংস্কৃতিৰ ধাৰা ।