Public Protest at Bihpuria: পথ নিৰ্মাণৰ দাবীত ৰাজপথলৈ ওলাই আহিল ৰাইজ

বিহপুৰীয়া, 5 অক্টোবৰ :পথৰ দুৰৱস্থাৰ বাবে বিহপুৰীয়া পৌৰসভাৰ অন্তৰ্গত 4 নম্বৰ ৱাৰ্ডৰ ৰাইজে খাব লগা হৈছে জ্বলা-কলা ৷ বিহপুৰীয়া-বদতি সংযোগী পথৰ পৰা কাৱৈমাৰী হৈ খুলাগুৰি সংযোগী পথৰ দুৰৱস্থাৰ বাবে স্থানীয় ৰাইজৰ লগতে পথচাৰীয়ে খাব লগা হৈছে যমৰ যাতনা ৷

বছৰ বছৰ ধৰি ভগ্ন পথটোত ঠায়ে ঠায়ে প্ৰকাণ্ড গাঁতৰ সৃষ্টি হোৱাত ৰাইজে মৰণত শৰণ দি যাতায়াত কৰিব লগা হৈছে ৷ সেয়ে পথ নিৰ্মাণৰ দাবীত গাঁৱৰ ৰাইজে ৰাজপথলৈ ওলাই আহি প্ৰতিবাদ সাব্যস্ত কৰে ৷

আমাৰ পথ নিৰ্মাণ কৰক, আমাৰ পথ লাগিবই, বিহপুৰীয়া পৌৰসভাৰ কাম নাই আদি বিভিন্ন শ্ল'গানেৰে পৰিৱেশ উত্তাল কৰি তোলে ৰাইজে ৷ আনহাতে ৰাইজৰ অভিযোগ অনুসৰি, বিগত সময়ত জনপ্ৰতিনিধি আৰু বিভাগীয় কৰ্তৃপক্ষক পথ নিৰ্মাণ কৰিবলৈ বাৰম্বাৰ আবেদন- নিবেদন জনাইছিল ৷ কিন্তু আজি পৰ্যন্ত কোনো সুফল নাপালে স্থানীয় ৰাইজে ৷

লগতে পঢ়ক:Panigaon Police Station: টালি-টোপোলা কঢ়িয়াই আহৰি পোৱা নাই এখন থানাৰ আৰক্ষীয়ে, কিন্তু কিয়?