Public protest in Kaliabor : কলিয়াবৰত বিদ্যালয় পৰিচালনা সমিতিৰ বিৰুদ্ধে প্ৰতিবাদ ৰাইজৰ

কলিয়াবৰ,১০ এপ্ৰিল :নগাঁও জিলাৰ কলিয়াবৰত স্থানীয় লোকৰ প্ৰতিবাদ (Public protest in Kaliabor)। প্ৰাথমিক বিদ্যালয়ৰ পৰিচালনা সমিতিৰ বিৰুদ্ধে ক্ষোভিত শিক্ষাৰ্থীৰ অভিভাৱক তথা স্থানীয় ৰাইজ । কলিয়াবৰ শিক্ষাখণ্ডৰ অধীনৰ মধ্য লখনাবন্ধা প্ৰাথমিক বিদ্যালয়ৰ পৰিচালনা সমিতিৰ সভাপতি মাধৱ চন্দ্ৰ বিশ্বাসৰ মইমতালিৰ বিৰুদ্ধে জাঙুৰ খাই উঠিল স্থানীয় ৰাইজ (Protest against School Management Committee)।

দীৰ্ঘদিনে বিদ্যালয়খনত অস্থায়ী শিক্ষয়িত্ৰী হিচাবে সেৱা আগবঢ়াই অহা এগৰাকী স্থানীয় মহিলাক পৰিচালনা সমিতিৰ সভাপতিয়ে দুৰ্ব্যৱহাৰ কৰি বিদ্যালয়ৰ পৰা খেদি পঠিওৱাৰ অভিযোগ অস্থায়ী শিক্ষয়িত্ৰীৰ লগতে স্থানীয় লোকৰ ।

আনহাতে, প্ৰয়োজনীয় অৰ্হতা নোহোৱাকৈয়ে সুদীৰ্ঘ কাল মাধৱ চন্দ্ৰ বিশ্বাসে বিদ্যালয় পৰিচালনা সমিতিৰ সভাপতিৰ পদত থাকি স্বেচ্ছাচাৰিতা চলোৱাৰ অভিযোগ ৰাইজৰ (School Management Committee president corruption)। বিদ্যালয় পৰিচালনা সমিতিৰ সভাপতি হোৱাৰ সুবাদতে বিদ্যালয়ৰ নামত আৱণ্টিত বিভিন্ন আঁচনিৰ কামত ঠিকাদাৰৰ ভূমিকাত অৱতীৰ্ণ হৈ লুণ্ঠন চলাই অহা বুলিও স্থানীয় ৰাইজে অভিযোগ কৰে ।

লগতে পঢ়ক :Protest against Drugs: ড্ৰাগছৰ বিৰুদ্ধে তিনিচুকীয়াত গাঁওবাসীৰ প্ৰতিবাদ