Prophet Muhammad birth anniversary: নাহৰকটীয়াত নবী হজৰত মহম্মদৰ জন্মজয়ন্তী উদযাপন - Prophet Muhammad birth anniversary observed

নাহৰকটীয়া, ২৮ ছেপ্টেম্বৰ: বৃহস্পতিবাৰে বিশ্ব নবী হজৰত মহম্মদৰ জন্মজয়ন্তী ৷ এই দিনটোৰ উপলক্ষে ডিব্ৰুগড়ৰ নাহৰকটীয়াৰ ইছলাম ধৰ্মাৱলম্বী লোকসকলে জামা মছজিদৰ প্ৰাংগণত ঈদ এ মিলাদূণ নবী উদযাপন কৰে । 

এই পবিত্ৰ দিনটোৰ উপলক্ষে সকলো লোকে মচজিদৰ প্ৰাংগণত সমবেত হয় বিশ্ব নবীজনাক স্মৰণ কৰাৰ লগতে কণ কণ ল’ৰা-ছোৱালী আৰু কিশোৰ-কিশোৰী সকলৰ মাজত কুইজ প্ৰতিযোগিতা, নাট প্ৰতিযোগিতা আদিৰে দিনজোৰা কাৰ্যসূচীৰ আৰম্ভণি কৰে ৷ লগতে এই অনুষ্ঠআনৰ লগত সংগতি ৰাখি এখন ৰাজহুৱা সভা অনুস্থিত কৰে । 
মহম্মদ ইমদাদ বড়াৰ পৌৰাহিত্যত অনুষ্ঠিত হোৱা এই সভাৰ আঁ‌ত ধৰে নাহৰকটীয়া জামা মছজিদ পৰিচালনা সমিতিৰ সম্পাদক মহম্মদ মুজিবুৰ আহমেদে । ইয়াৰোপৰি নাহৰকটীয়া জামা মছজিদ সমিতিৰ উদ্যোগত তথা ইছলাম সমাজ আৰু জাতি ধৰ্ম বৰ্ণ নিৰ্বিশেষে সকলো নাহৰকটীয়াবাসী ৰাইজৰ সহযোগত প্ৰতিবাৰৰ দৰে এই সভাৰ অন্তত নাহৰকটীয়া জামা মছজিদৰ পৰা এক সম্প্ৰীতিৰ শোভাযাত্ৰা বাহিৰ কৰে ।

লগতে পঢ়ক:Ek Asom Yatra: বিজেপি দলে অসমখন এক হোৱাটো নিবিচাৰে নেকি; প্ৰশ্ন লুৰীণজ্যোতি গগৈৰ