Prisoner appeared in HSLC: বঙাইগাঁৱত হেণ্ডকাফ লৈয়েই পৰীক্ষাত বহিল এগৰাকী ছাত্ৰ
বঙাইগাঁও, 6 মাৰ্চ:বঙাইগাওঁ জিলাৰ গোলাপাৰা হাইস্কুল পৰীক্ষা কেন্দ্ৰত দেখা গ’ল এগৰাকী ব্যতিক্ৰমী পৰীক্ষাৰ্থী ৷ হেণ্ডকাফ লৈয়ে পৰীক্ষাত বহিবলৈ আহিল পৰীক্ষাৰ্থীগৰাকী ৷ কাৰাগাৰৰ পৰা দুগৰাকী আৰক্ষীয়ে পৰীক্ষাকেন্দ্ৰলৈ লৈ আহিল ছাত্ৰজনক (Prisoner appeared in exam) ৷
উল্লেখ্য যে, সৰভোগৰ কলবাৰীত সংঘটিত হোৱা এক পাৰিবাৰিক কন্দলৰ পৰণতিত 3 জন লোকক নিহত হোৱাৰ বিপৰীতে 8 জন লোক গুৰুতৰভাৱে আহত হৈছিল ৷ ভূমিক কেন্দ্ৰ কৰি পৰিয়াল দুটাৰ মাজত সংঘটিত হৈছিল এই সংঘাত ৷ এই ঘটনাত আছিমন বিবি নামৰ এগৰাকী মহিলাক জীৱন্তে জ্বলাই দিয়াৰ লগতে জ্বলাই দিয়া হৈছিল 5 টা বাসগৃহ (Bongaigaon family conflict) ৷ এই ঘটনাৰে জড়িত থকাৰ অপৰাধতে গ্ৰেপ্তাৰ কৰি জে’ল হাজোতলৈ প্ৰেৰণ কৰা হৈছিল ছাত্ৰজনক ৷ নাম্বাৰপাৰা বিদ্যাজ্যোতি হাইস্কুলৰ পৰা ছাত্ৰজন অৱতীৰ্ণ হৈছে হাইস্কুল শিক্ষান্ত পৰীক্ষাত ৷
ইফালে, বঙাইগাঁৱৰ গোলাপাৰা উচ্চতৰ মাধ্যমিক বিদ্যালয়ৰ পৰীক্ষা কেন্দ্ৰত গঢ়ি তোলা হ’ল কটকটীয়া নিৰাপত্তা ব্যৱস্থা ৷ পৰিদৰ্শক ইছমাইল হুছেইনে নিজেই পৰীক্ষা কৰিলে সকলো ছাত্ৰ-ছাত্ৰীক (Assam HSLC exam) ৷
লগতে পঢ়ক:HSLC exam paper leaked: আকৌ গণিত বিষয়ৰ প্ৰশ্নকাকত ফাদিল; কাছাৰৰ এটা কেন্দ্ৰত পুনৰ হ’ব পৰীক্ষা