Assam govt grade 3 results: তৃতীয় বৰ্গৰ নিযুক্তি পৰীক্ষাৰ ফলাফলত উজলিল দীপেশ বিশ্বাস - Assam govt grade 3 results
কলিয়াবৰ, ৭ মে:শিক্ষিত হ'লেও চাকৰি এটা যোগাৰ কৰাটো এতিয়া বহুৰ বাবে এক সপোন (Assam govt grade 3 results)। তাতে যদি পেটে-ভাতে খাই থকা পৰিয়ালৰ সন্তান হয়, তেতিয়া চৰকাৰী চাকৰি এটাৰ সপোন দেখাটোও দুৰূহ।
কিন্তু সদ্য ঘোষিত ৰাজ্য চৰকাৰৰ তৃতীয় আৰু চতুৰ্থ বৰ্গৰ নিযুক্তি পৰীক্ষাৰ ফলাফলে হাঁহি বিৰিঙালে বহুতো দুখীয়া পৰিয়ালত (Assam Grade 3 Result 2023)। উৰুখা পঁজাৰ পৰা চৰকাৰী কাৰ্যালয়লৈ বাট মুকলি হৈছে বহু দৰিদ্ৰ পৰিয়ালৰ সন্তানৰ । এইবাৰ কলিয়াবৰৰ ভৰিধোৱাৰ ৰাজমিস্ত্ৰীৰ পুত্ৰ উত্তীৰ্ণ হ'ল তৃতীয় বৰ্গৰ নিযুক্তি পৰীক্ষাত । ৰবীন্দ্ৰ বিশ্বাস আৰু বাসন্তী বিশ্বাসৰ জ্যেষ্ঠ পুত্ৰ দীপেশ বিশ্বাস উত্তীৰ্ণ হৈছে সদ্যঘোষিত তৃতীয় বৰ্গৰ নিযুক্তি পৰীক্ষাত । পুত্ৰৰ সফলতাত উৎফুল্লিত পিতৃ-মাতৃ । চাকৰি লাভ কৰি পৰিয়ালটোৱে মুখ্যমন্ত্ৰী ড৹ হিমন্ত বিশ্ব শৰ্মাক ধন্যবাদ জ্ঞাপন কৰিছে ।
ইতিমধ্যে, কলিয়াবৰ মহাবিদ্যালয়ৰ পৰা বিজ্ঞানৰ স্নাতক ডিগ্ৰীধাৰী দীপেশ বিশ্বাসে মাজে সময়ে ৰাজমিস্ত্ৰী পিতৃৰ সৈতে যোগালীৰ কাম কৰি উলিয়াই আহিছে পঢ়া-শুনাৰ খৰচ । আৰ্থিক অনাতনৰ মাজতে বহু কষ্টৰে পঢ়া-শুনা কৰি চৰকাৰৰ স্বচ্ছ আৰু নিকা নিযুক্তি প্ৰক্ৰিয়াৰে চৰকাৰী চাকৰিৰ নিযুক্তি পৰীক্ষা উত্তীৰ্ণ হৈ আনন্দিত দীপেশ বিশ্বাস।
লগতে পঢ়ক:Assam govt grade 3 results: তৃতীয় বৰ্গৰ নিযুক্তি পৰীক্ষাৰ ফলাফলত উজ্লিল টীয়কৰ জিন্তু বৰদলৈ