ঘোগাত বিহগী কবি ৰঘুনাথ চৌধাৰীৰ স্মৃতি দিৱস উদযাপন - Raghunath Chaudharys memorial day in Nalbari

নলবাৰী, ১৮ নৱেম্বৰ : নলবাৰীৰ ঘোগাত বিহগী কবি ৰঘুনাথ চৌধাৰীৰ স্মৃতি দিৱস উদযাপন । অসম সাহিত্য সভাৰ অন্যতম শাখা সাহিত্য সভা ৰঘুনাথ চৌধাৰী সাহিত্য সভাৰ দ্বি-বাৰ্ষিক অধিবেশনৰ লগত সংগতি ৰাখি বিহগী কবি ৰঘুনাথ চৌধাৰীৰ স্মৃতি দিৱস উদযাপন কৰা হয় । ৰঘুনাথ চৌধাৰী সাহিত্য সভাৰ উদ্যোগত আৰু নলবাৰী জিলা সাহিত্য সভা আৰু বদনি আখিয়া নৱজ্যোতি ক্লাৱৰ সহযোগত ঘোগাৰ জি.বি.এল উচ্চতৰ মাধ্যমিক বিদ্যালয়ৰ প্ৰাঙ্গণত বৰ্ণাঢ্য কাৰ্যসূচীৰে উদযাপন কৰা হয় এই কাৰ্যসূচীৰ ।

স্মৃতিচাৰণ সভাত মুখ্য অতিথি হিচাপে উপস্থিত থাকে অসম সাহিত্য সভাৰ প্ৰাক্তন উপ-সভানেত্ৰী মৃণালিনী দেৱী । ভাষণ প্ৰসংগত মৃণালিনী দেৱীয়ে বিহগী কবিগৰাকীক স্মৰণ কৰে । স্মৃতিচাৰণ সভাত ৰঘুনাথ চৌধাৰী সাহিত্য সভাৰ স্মৃতিগ্ৰন্থ 'পূৰ্বজ্যোতি' আৰু লাউপাৰাৰ যুৱক হিৰকজ্যোতি মেধীয়ে ৰচনা কৰা 'নৱ প্ৰজন্মৰ অনুভৱ' শীৰ্ষক এখন কাব্যগ্ৰন্থও উন্মোচন কৰা হয় । সভাত অসম সাহিত্য সভাৰ কেইবাগৰাকী বিষয়ববীয়াৰ লগতে অঞ্চলটোৰ সহস্ৰাধিক লোকে অংশগ্ৰহণ কৰে ।

লগতে পঢ়ক :কৰ্ম সংস্থাপন বিচাৰি ভিৰ লগালে যুৱক-যুৱতীয়ে