হোজাই আৰক্ষীৰ জালত দুই চোৰাং চিকাৰী - Poachers arrested in Hojai

হোজাই,২৪ ডিচেম্বৰ:হোজাই জিলাৰ নখুঁটী আৰক্ষীৰ অভিযানত তিনিটা হস্তনিৰ্মিত বন্দুকসহ আটক দুই চোৰাং চিকাৰী । জানিব পৰা মতে ২০ ডিচেম্বৰত তিনিটা চিকাৰীয়ে লামডিং বনাঞ্চললৈ গৈছিল চিকাৰ কৰিবলৈ । তাৰে আব্দুল কুদ্দুজ নামৰ চিকাৰীটোৰ মৃতদেহ লামডিং বনাঞ্চলত উদ্ধাৰ হোৱাৰ বিপৰীতে পলাতক অৱস্থাত আছিল দুই চিকাৰী ক্ৰমে আইনুল হক আৰু ইমৰান হুছেইন । শুকুৰবাৰে ইমৰান আৰু আইনুল হকে আত্মসমৰ্পণ কৰে নখুঁটী আৰক্ষী চকীত ।  

দুই আত্মসমপৰ্ণকাৰীৰ স্বীকাৰোক্তিৰ ভিত্তিত শনিবাৰে নিশা নখুঁটী আৰক্ষীয়ে লামডিং বনাঞ্চলৰ পৰা উদ্ধাৰ কৰে তিনিটাকৈ হস্তনিৰ্মিত বন্দুক । আব্দুল কুদ্দুছৰ মৃত্যু হোৱা কাৰণ বৰ্তমানলৈকে জানিব পৰা হোৱা নাই বুলি সদৰি কৰে হোজাই জিলা অতিৰিক্ত আৰক্ষী অধীক্ষক ৰূপম বৰদলৈয়ে । বৰ্তমান আটকাধীন ইমৰান আৰু আইনুলক নখুঁটী আৰক্ষী থানাত ৰাখি আৰক্ষীয়ে তদন্ত অব্যাহত ৰাখিছে ।

লগতে পঢ়ক:হাতী নহয়, নাহৰফুটুকী খেদিবলৈ নিশা হাতত দা-লাঠি লৈ টীয়কৰ হাতীপাৰাত ওলাই আহিল ৰাইজ