PNRD Corruption in Majuli:মাজুলীত পঞ্চায়ত গৃহ নিৰ্মাণত ব্যাপক অনিয়ম - panchayat and rural development assam
মাজুলী,14 জুলাই:মাজুলীত পঞ্চায়ত আৰু গ্ৰামোন্নয়ন বিভাগৰ কাম কি গতিত চলিছে ! দুৰ্নীতিত নিমজ্জিত হৈ পৰিছে নেকি একাংশ পঞ্চায়ত প্ৰতিনিধিয়ে ৷ এইবাৰ মাজুলীৰ দক্ষিণপাট গাঁও পঞ্চায়তৰ কাৰ্যালয় গৃহ নিৰ্মাণত চৰম দুৰ্নীতি হোৱাৰ অভিযোগ উঠিছে ৷ পঞ্চায়তৰ সভাপতি পবিত্ৰ ৰাজখোৱাৰ নেতৃত্বত লুণ্ঠন ৰাজ চলোৱাৰ অভিযোগ উত্থাপন কৰিছে ৰাইজে ৷ কাৰণ ম্যাদ উকলা পঞ্চায়ত কাৰ্যালয়ৰ ওপৰতেই পুনৰ ইটা জাপি তেল-চূণ সানিব বিচাৰিছে ৷
কেৱল ইমানে নহয় পঞ্চায়ত ঘৰটো পুৰণি পকী মজিয়া নভঙাকৈ বালিৰে ঢাকি পুনৰ ইটা জাপি পকী মজিয়া নিৰ্মাণৰ চেষ্টা কৰা বুলি সভাপতি গৰাকীৰ বিৰুদ্ধে অভিযোগ উত্থাপন কৰে ৰাইজে । প্ৰায় ১৩ লাখ টকাৰ ব্যয়েৰে নিৰ্মাণ হ’ব লগীয়া কাৰ্যলয়টোৰ নিৰ্মাণত অনিময় দেখি ক্ষোভ প্ৰকাশ কৰিছে স্থানীয় ৰাইজে ৷ সেয়ে পঞ্চায়ত গৃহ নিৰ্মাণত কৰা দুৰ্নীতিৰ বাবে জিলা উপায়ুক্তৰ হস্তক্ষেপ বিচাৰিছে স্থানীয় ৰাইজে ৷