Organisational meeting of AGP: দলৰ ভেটি মজবুত কৰাৰ লক্ষ্যৰে অসম গণ পৰিষদৰ তৎপৰতা - চেঙা বিধান পৰিষদ সমিতিৰ সাধাৰণ সম্পাদক ইকৰাম হুছেইন

বৰপেটা জিলাৰ বহৰি ছোৱালী হাইস্কুলত দেওবাৰে অসম গণ পৰিষদৰ এখন বিশেষ সাংগঠনিক সভা অনুষ্ঠিত হৈ যায়। চেঙা বিধান পৰিষদ সমিতিৰ উদ্যোগত চেঙা বিধানসভা সমষ্টি আৰু সৰুক্ষেত্ৰী বিধান সমষ্টিৰ দলীয় কৰ্মীসকলক লৈ অনুষ্ঠিত হয় এই বিশেষ সাংগঠনিক সভাখন (Organisational meeting with AGP party workers in Barpeta)। আগন্তুক পঞ্চায়ত আৰু লোকসভা নিৰ্বাচনক লক্ষ্য কৰি দলটোৰ ভেটি মজবুত কৰাৰ উদ্দেশ্যে দলীয় কৰ্মীসকলক উৎসাহিত কৰিবলৈকে আয়োদন কৰা হয় এই সভাৰ ৷ সভাত অসম গণ পৰিষদৰ কেন্দ্ৰীয় সমিতিৰ প্ৰশাসনিক সাধাৰণ সম্পাদক মনোজ শইকীয়া, চেঙা বিধান পৰিষদ সমিতিৰ সভাপতি নৱ কুমাৰ দাস, অসম গণ পৰিষদৰ কেন্দ্ৰীয় সমিতিৰ উপ সভাপতি ডাঃ তাৰা প্ৰসাদ দাস, অসম গণ পৰিষদৰ কেন্দ্ৰীয় সমিতিৰ সম্পাদক অমিয় কুমাৰ তালুকদাৰ, চেঙা বিধান পৰিষদ সমিতিৰ সাধাৰণ সম্পাদক ইকৰাম হুছেইন, অসম গণ পৰিষদৰ ধৰ্মীয় সংখ্যালঘু পৰিষদৰ কেন্দ্ৰীয় সমিতিৰ উপ সভাপতি ৰবিউল হুছেইনকে ধৰি বহু কেইবাগৰাকী দলীয় নেতা-কৰ্মী উপস্থিত থাকে ।