বিদ্যুৎ পৰিবাহী তাঁৰত লাগি এজনৰ মৃত্যু, আহত এজন - Golaghat Accident

গোলাঘাট, 13 ডিচেম্বৰ : গোলাঘাট জিলাৰ ঘিলাধাৰী বাগানত ভয়ংকৰ ঘটনা সংঘটিত হৈছে ৷ বিদুৎ পৰিবাহী তাঁৰত লাগি এজন লোকৰ মৃত্যু হোৱাৰ লগতে এজন লোক গুৰুতৰভাৱে আহত হৈছে ৷ 

ঘটনাৰ বিৱৰণী অনুসৰি, গোলাঘাটৰ ঘিলাধাৰী চাহ বাগিচাত পথাৰৰ পৰা ধান কাটি গাড়ীৰে গৃহ অভিমুখে গৈ থকা অৱস্থাত পথৰ ওপৰেদি পাৰ হৈ যোৱা বিদ্যুতৰ তাঁৰত লাগি এজনৰ মৃত্যু হোৱাৰ লগতে আন এজন লোক গুৰুতৰভাৱে আহত হয় । সম্প্ৰতি আহত লোকজনক সংকটজনক অৱস্থাত শ্বহীদ কুশল কোঁৱৰ অসামৰিক চিকিৎসালয়ত ভৰ্তি কৰা হয় ৷ মৃত লোকজন পিংকু তাঁতী আৰু আহতজন শংকৰ বাউৰী বুলি জানিব পৰা গৈছে ৷ দুয়োজনেই ঘিলাধাৰী বাগানৰ বাসিন্দা আছিল ৷ অবাঞ্চিত এই ঘটনাই সমগ্ৰ অঞ্চলজুৰি চাঞ্চল্যৰ সৃষ্টি কৰিছে ৷

লগতে পঢ়ক:মহানগৰীত ইখনৰ পিচত সোণৰ নাও জব্দ, দুই সৰবৰাহকাৰী আটক