হাতীৰ আক্ৰমণত আকৌ প্ৰাণ হেৰুৱালে এজনে - বন্যহস্তীৰ আক্ৰমণ

কলিয়াবৰ, 20 ডিচেম্বৰ :নগাঁও জিলাৰকলিয়াবৰত অব‍্যাহত আছে হস্তী-মানুহৰ সংঘাত। এতিয়ালৈ ৰাজ্যৰ ভিন্ন প্ৰান্তত বন্যহস্তীৰ আক্ৰমণত বহুজনৰ প্ৰাণহানি হোৱাৰ লগতে সা-সম্পত্তি, ঘৰ-দুৱাৰো ক্ষতি হৈছে। মঙলবাৰে নিশা বনৰীয়া হাতীৰ আক্ৰমণত এজন যুৱক নিহত হয়। নিহত যুৱকজনৰ নাম ৰণ্টু চাওতাল। জখলাবন্ধাৰ সমীপৰ ৰাঙলুৰ নিবাসী আছিল মৃত যুৱকজন ৷ জখলাবন্ধাৰ এখন হোটেলত কাম শেষ কৰি ঘৰলৈ গৈ থকাৰ সময়তে বনৰীয়া হাতীটোৱে আক্ৰমণ কৰিছিল যুৱকজনক ৷

লক্ষণীয় যে, অঞ্চলতটোত কিছুদিনৰ পৰা কাজিৰঙা ৰাষ্ট্ৰীয় উদ্যানৰ পৰা ওলাই অহা এটা বনৰীয়া হাতীয়ে উপদ্ৰৱ চলাই থকাৰ পিচতো বন বিভাগে কোনো ধৰণৰ ব্যৱস্থা গ্ৰহণ নকৰাৰ ফলত এই ঘটনাটো ঘটে বুলি অভিযোগ উত্থাপন কৰে স্থানীয় ৰাইজে । কিছুদিন পূৰ্বে বনৰীয়া হাতীৰ আক্ৰমণত হাতীগাঁও চাহ বাগিচাত এজন লোকে প্ৰাণ হেৰুৱাইছিল।

লগতে পঢ়ক:নাহৰকটীয়াৰ লংঘাৰজান চাহ বাগিচাত নাহৰফুটুকীৰ মুক্ত বিচৰণ