Tragic road accident : তীব্ৰবেগী স্কুটীয়ে মহতিয়ালে পথচাৰীক

বৰপেটাৰোড, 27 অক্টোবৰ : বাক্সা জিলাৰ শিমলাগুৰিৰ বেন্নীবাৰীত বৃহস্পতিবাৰে সন্ধিয়া এক ভয়ংকৰ পথ দুৰ্ঘটনা সংঘটিত হয় । পথ দুৰ্ঘটনাটোত এগৰাকী মহিলা গুৰুতৰভাৱে আহত হয় । আহত মহিলাগৰাকীৰ নাম মইনা দেউৰী বুলি জানিব পৰা গৈছে ৷

হাউলীৰ পৰা বৰপেটাৰোড অভিমুখে আহি থকা এখন তীব্রবেগী স্কুটীয়ে পথৰ দাঁতিত ৰৈ থকা মইনা দেউৰী নামৰ মহিলা গৰাকীক প্রচণ্ড জোৰে খুন্দা মাৰে ৷ ফলত পথৰ দাঁতিত মহিলাগৰাকী বাগৰি পৰে । ইফালে এই দুৰ্ঘটনা সংঘটিত কৰি স্কুটীখনৰ চালকজনে সেই স্থানৰ পৰা পলায়ন কৰে ৷ 

তাৰ পিচতে গুৰুতৰভাৱে আঘাতপ্ৰাপ্ত মহিলাগৰাকীক স্থানীয় লোকে সংকটজনক অৱস্থাত বৰপেটাৰোডৰ চিকিৎসালয়ত ভৰ্তি কৰায় । ইপিনে দুৰ্ঘটনাস্থলীত শিমলাগুৰি আৰক্ষী উপস্থিত হৈ দুৰ্ঘটনা সংঘটিত কৰা স্কুটীখনৰ সন্ধান অব্যাহত ৰাখিছে ৷ যদিও আৰক্ষীয়ে বাতৰি লিখা পৰ্যন্ত কোনো ধৰণৰ তথ্য লাভ কৰা নাই ৷

লগতে পঢ়ক:Dergaon Youth Suicide Case : আৰক্ষীৰ অত্যাচাৰৰ বলি হৈ আত্মহনন কৰা অজয়ৰ আত্মাৰ সদগতি কামনাৰে প্ৰাৰ্থনা