Road Accident: মটৰচাইকেল দুৰ্ঘটনাত যুৱকৰ মৃত্যু - দুৰ্ঘটনাত পতিত হৈ যুৱকজনৰ মৃত্যু

শিৱসাগৰ জিলাৰ আমগুৰিত ভয়ংকৰ পথ দুৰ্ঘটনা (Road Accident at Amguri) ৷ দুৰ্ঘটনাটোৰ ফলত থিতাতে প্ৰাণ হেৰুৱাই এজন যুৱকে ৷ ঘটনা অনুসৰি বুধবাৰে নিশা এজন যুৱকে নিজা গৃহাভিমুখে গৈ থকা অৱস্থাত খঁৰাগড় চাৰিআলি আৰু মোহন হাজৰিকা আলি সংযোগী পথৰ নৱনিৰ্মিত কাৰ্লভাটত নিজৰ মটৰচাইকেলেৰে খুন্দা মাৰে ৷

এই দুৰ্ঘটনাত বাইক আৰোহী অপূৰ্ব বৰুৱাৰ থিতাতে মৃত্যু হয় ৷ মৃত যুৱকজন জতকীয়া গাঁও নিবাসী অৰুণ বৰুৱা জ্যেষ্ঠ পুত্ৰ অপূৰ্ব (One dead in Road Accident) ৷ কৰ্মসূত্ৰে বাংগালোৰত থকা অপূৰ্ব বৰুৱা দেওবাৰে নিশা নিজা ঘৰলৈ উভতি আহে ৷ ঠিকাদাৰ গোষ্ঠীয়ে কাৰ্লভাটত বিধিগতভাৱে সুৰক্ষা প্ৰদান নকৰাৰ বাবেই দুৰ্ঘটনাত পতিত হৈ যুৱকজনৰ মৃত্যু হয় বুলি ৰাজহুৱা অভিযোগ উত্থাপিত হৈছে ।