তীব্ৰবেগী বাইক চালকে মহটিয়ালে আৰক্ষীক

সৰুপথাৰ, ২৪ ডিচেম্বৰ : আগন্তুক গণৰাজ্য দিৱসৰ প্ৰাকক্ষণত সৰুপথাৰত আৰক্ষীৰ নিয়মীয়া তালাচীৰ বেহু ফালি তীব্ৰবেগী বাইক চালকে আৰক্ষীক মহটিয়াই কৰিলে পলায়ন । সৰুপথাৰত কৰ্তব্যৰত আৰক্ষীক মহতিয়ালে উদণ্ড বাইক আৰোহীয়ে ।

সৰুপথাৰ নগৰৰ ৰে’ল কৰ্চিঙৰ সমীপত দেওবাৰে নিশা সংঘটিত হয় উক্ত ঘটনা ৷ নিয়মীয়া তালাচী চলাই থকাৰ সময়ত এজন উদণ্ড বাইক আৰোহীয়ে তীব্ৰ বেগেৰে আহি কৰ্তব্যৰত আৰক্ষীক খুন্দিয়াই আহত কৰে । কৰ্তব্যৰত এগৰাকী আৰক্ষী হেড কনিষ্টবলক কিছু দূৰ চোঁচৰাই নিয়ে চলন্ত বাইকখনে ।

বাইক আৰোহীৰ খুন্দাত সৰুপথাৰ আৰক্ষী থানাৰ হেড কনিষ্টবল মনোহৰ সিং নাৰ্জাৰী গুৰুতৰভাৱে আহত হয় । কৰ্তব্যৰত আৰক্ষীগৰাকীয়ে হাত আৰু ভৰিত আঘাত পায় । আহত আৰক্ষী কনিষ্টবলজনক উন্নত চিকিৎসাৰ বাবে যোৰহাটলৈ প্ৰেৰণ কৰা হৈছে ।

লগতে পঢ়ক:কেৰালাত আৱৰ্জনা নিস্কাশন কেন্দ্ৰত বিস্ফোৰণ : আহত অসমৰ তিনিজন