New celebration in Nazira: তেল আৰু প্ৰাকৃতিক গেছ নিগমৰ কৰ্মচাৰীৰ উদ্যোগত নৱবৰ্ষ আদৰণি অনুষ্ঠান

শিৱসাগৰ জিলাৰ নাজিৰাত অৱস্থিত তেল আৰু প্ৰাকৃতিক গেছ নিগমৰ কৰ্মচাৰীসকলে শনিবাৰে নিশা ইংৰাজী নৱবৰ্ষক আদৰিবলৈ এক বিশেষ অনুষ্ঠানৰ আয়োজন কৰে (New celebration in Nazira) ৷ ২০২২ বৰ্ষৰ অন্তিম দিনটোত অসম সম্পদৰ কৰ্মচাৰীসকলে ২০২২ বৰ্ষক বিদায় জনোৱাৰ লক্ষ্যৰে আয়োজন কৰিছিল এই অনুষ্ঠানৰ ৷ লগতে এই অনুষ্ঠানটোত নৱবৰ্ষত ন-উদ্যমেৰে কাম কৰাৰো সংকল্প লয় কৰ্মচাৰীসকলে (Nazira Oil and Natural Gas Corporation) ৷ নাজিৰা তেল আৰু প্ৰাকৃতিক গেছ নিগমৰ ফুটবল খেলপথাৰত আয়োজিত অনুষ্ঠানত বিভিন্ন মনোৰঞ্জন ধৰ্মী কাৰ্যসূচীৰ লগতে জনপ্ৰিয় কন্ঠশিল্পী গীতাঞ্জলি দাসে গীত পৰিবেশন কৰি উপস্থিত দৰ্শকক মুগ্ধ কৰি তোলে ৷ অনুষ্ঠানত তেল আৰু প্ৰাকৃতিক গেছ নিগমৰ বহুকেইজন বিষয়াৰ লগতে স্থানীয় বহুকেইজন ব্যক্তিক সম্বৰ্দ্ধনা জনোৱা হয় ৷