National Road Safety Week 2023: নলবাৰীত ৰাষ্ট্ৰীয় পথ সুৰক্ষা সপ্তাহ ২০২৩ উদযাপন - নলবাৰী জিলাৰ আৰক্ষী অধীক্ষক সুধাকৰ সিং

নলবাৰীত বুধবাৰে ৩৩ সংখ্যক ৰাষ্ট্ৰীয় পথ সুৰক্ষা সপ্তাহ ২০২৩(National Road Safety Week 2023) উদযাপন কৰা হয় । নলবাৰী এ এছ টি চি কাৰ্যালয় প্ৰাংগনত নলবাৰী জিলা পৰিবহন বিভাগৰ উদ্যোগত এই ৰাষ্ট্ৰীয় পথ সুৰক্ষা সপ্তাহ উদযাপন কৰা হয় । সেইমৰ্মে পুৱাৰ ভাগত নলবাৰী এ এছ টি চি(Nalbari ASTC) কাৰ্যালয়ৰ চৌহদত পথ সুৰক্ষাৰ ওপৰত এখন সজাগতামূলক সভা অনুষ্ঠিত কৰা হয়(Road safety awareness programme in Nalbari) । এই সজাগতামূলক সভাখনত নলবাৰী জিলাৰ আৰক্ষী অধীক্ষক সুধাকৰ সিঙে(Nalbari SP Sudhakar Singh) পথ সুৰক্ষা সপ্তাহৰ ওপৰত সজাগতামূলক ভাষণ দিয়ে । আনহাতে ৰাষ্ট্ৰীয় পথ সুৰক্ষা সপ্তাহৰ লগত সংগতি ৰাখি এক সজাগতামূলক ৰেলীও উলিওৱা হয় । এই ৰেলীত জিলাৰ শতাধিকৰো অধিক সচেতন নাগৰিক, যুৱকে অংশগ্ৰহণ কৰে । এই পথ সুৰক্ষা সপ্তাহৰ কাৰ্যসূচীত নলবাৰী পৰিবহন বিভাগৰ বিষয়া সীমান্ত বৰা, নলবাৰী কলেজৰ অধ্যক্ষ ড৹ কমল নয়ন পাটোৱাৰীসহ ভালেকেইগৰাকী বিশিষ্ট ব্যক্তি তথা স্থানীয় ৰাইজ উপস্থিত থাকে ।