নাৰায়ণপুৰৰ কলেজীয়া ছাত্ৰীক অপহৰণৰ অপচেষ্টা টেম্প' চালকৰ - College girl injured at Narayanpur

নাৰায়ণপুৰৰ কলেজীয়া ছাত্ৰীক অপহৰণৰ চেষ্টা টেম্প' চালকৰ (Attempt to kidnap at Narayanpur)। লখিমপুৰ জিলাৰ পথালিপাহাৰস্থিত শংকৰদেৱ মহাবিদ্যালয়ৰ(Sankardev Mahavidiyalaya) স্নাতক দ্বিতীয় ষাণ্মাসিকৰ এগৰাকী ছাত্ৰীক ফুটগধূলিতে অপহৰণৰ চেষ্টা চলায় দুৰ্বৃত্তই । মহাবিদ্যালয়খনত চলি থকা মহাবিদ্যালয় সপ্তাহৰ পৰা সোমবাৰে ১৫ নং ৰাষ্ট্ৰীয় ঘাইপথেৰে বৰপথাৰৰ অভিমুখে আহি থকাৰ পথত সংঘটিত হয় এই ঘটনা । ছাত্ৰীগৰাকীৰ দেউতাক ভোগপুৰত উপস্থিত থকাত ছাত্ৰীগৰাকীয়ে ভোগপুৰত টেম্প' খনৰ পৰা নামিবলৈ বিচাৰে । ছাত্ৰীগৰাকীয়ে টেম্প'খন ৰাখিবলৈ কোৱাৰ পাছতো চালকজনে টেম্প'খন ৰাখিবলৈ অমান্তি হয় (College girl injured at Narayanpur)। ছাত্ৰীগৰাকীয়ে টেম্প' চালকৰ কু-অভিসন্ধিৰ অনুমান পাই ভোগপুৰ চাৰিআলিৰ সমীপত চলন্ত টেম্প'ৰ পৰা জপিয়াই আত্মৰক্ষাৰ চেষ্টা কৰে । ফলত গুৰুতৰভাৱে আঘাতপ্ৰাপ্ত হয় ছাত্ৰীগৰাকী । বৰ্তমান ছাত্ৰীগৰাকী চিকিৎসাধীন অৱস্থাত আছে ।