Ready for Durga immersion : প্ৰতিমা বিসৰ্জনৰ বাবে সাজু নগাঁৱৰ নেহেৰুবালি বিসৰ্জন ঘাট

নগাঁও, 24 অক্টোবৰ :আজি বিজয়া দশমী । বিজয়া দশমীৰ উপলক্ষে প্ৰতিমা বিসৰ্জন দিবলৈ সম্পূৰ্ণ সাজু নগাঁৱৰ কলঙৰ বাকৰি নেহেৰুবালি বিসৰ্জন ঘাট । নেহেৰুবালি ঘাটত প্ৰতিমা বিসৰ্জনৰ বাবে সকলো প্ৰস্তুতি সম্পূৰ্ণ কৰি তুলিছে নগাঁও জিলা প্ৰশাসন আৰু পৌৰ সভাই । নগাঁও চহৰৰে প্ৰায় শতাধিক পূজা মণ্ডপৰ প্ৰতিমা বিসৰ্জন দিয়া হ'ব নেহেৰুবালিৰ বিসৰ্জন ঘাটত । এই কথা সদৰী কৰিছে নগাঁও পৌৰসভাৰ উপ-পৌৰপতি সীমান্ত বৰাই ৷

ইতিমধ্যে এম্বুলেঞ্চ, এছ ডি আৰ এফ বাহিনী সকলো সাজু কৰি ৰখা হৈছে নেহেৰুবালিৰ বিসৰ্জন ঘাটত । নগাঁও পৌৰসভাৰ উপ-পৌৰপতি সীমান্ত বৰাই উল্লেখ কৰা অনুসৰি, এইবাৰ নগাঁৱৰ পূজা মণ্ডপসমূহৰ ভিতৰত স্বচ্ছতাৰ ভিত্তিত গুৰুত্ব প্ৰদান কৰি পুৰস্কাৰ প্ৰদান কৰিব নগাঁও পৌৰ সভাই ।

লগতে পঢ়ক :Vijayadashami 2023 : ষষ্ঠীৰ বেদীত প্ৰতিষ্ঠা কৰা দেৱী দুৰ্গাক আজি বিসৰ্জন দিব ভক্তগণে