Car accident at Samaguri: চামগুৰিত দুৰ্ঘটনাত পতিত দীপলিনা ডেকাৰ বাদ্যযন্ত্ৰীৰ বাহন
নগাঁও, 28 এপ্ৰিল : নগাঁৱৰ চামগুৰিত পুৱাই অঘটন ৷ পুনৰ দুৰ্ঘটনাত পতিত হৈছে শিল্পীৰ বাহন (Car accident at Samaguri) ৷ জনপ্ৰিয় কণ্ঠশিল্পী দীপলিনা ডেকাৰ বাদ্যযন্ত্ৰীৰ বাহন দুর্ঘটনাগ্ৰস্ত হয় চামগুৰিত । কেইদিনমান পূৰ্বে চামগুৰিত কণ্ঠশিল্পী কৃষ্ণমণি চুতীয়াৰ বাহন দুর্ঘটনাত পতিত হোৱাৰ পিচত শুকুৰবাৰে পুৱা পুনৰ দুৰ্ঘটনাত পতিত হয় জনপ্ৰিয় সংগীতশিল্পী দীপলিনা ডেকাৰ বাদ্যযন্ত্ৰৰ সংগীবৃন্দৰ বাহন ।
নিশা এক সংগীতানুষ্ঠানৰ অন্তত লক্ষিমপুৰৰ পৰা এখন ইন’ভা বাহনেৰে গুৱাহাটী অভিমুখে গৈ আছিল কণ্ঠশিল্পী দীপলিনা ডেকাৰ বাদ্যযন্ত্ৰৰ সংগীবৃন্দ সকল । চামগুৰিৰ আমনিত ভুল দিশেৰে আহি থকা এখন মালবাহী ট্ৰাকৰ সৈতে সংঘৰ্ষত লিপ্ত হয় বাদ্যযন্ত্ৰীৰ ইন’ভা বাহনখন । দুয়োখন বাহনৰ মাজত হোৱা সংঘৰ্ষৰ ফলতেই দুর্ঘটনাটো সংঘটিত হয় (Deeplina Deka associate car accident) । দুৰ্ঘটনাত কথমপি ৰক্ষা পৰে বাদ্যযন্ত্ৰীসকল ।
লগতে পঢ়ক :Dantewada IED blast: দান্তেৱাৰাৰ বিস্ফোৰণস্থলীত দুমাহৰ পূৰ্বেই পোতা হৈছিল আই ই ডি