Sri Sri Athkheliya Namghar: প্ৰধানমন্ত্ৰী আহিলেও কলিয়াবৰ বিজেপিয়ে দখল কৰিব নোৱাৰে; গৌৰৱ গগৈ - Sri Sri Athkheliya Namghar
তিতাবৰ, ১৯ এপ্ৰিল: অসমীয়া নৱবৰ্ষৰ তথা ৰঙালী বিহুৰ চতুৰ্থ দিনা মঙলবাৰে কলিয়াবৰ লোকসভা সমষ্টিৰ সাংসদ গৌৰৱ গগৈয়ে গোলাঘাটৰ ঐতিহ্যমণ্ডিত শ্ৰীশ্ৰীআঠখেলীয়া নামঘৰত আশীস গ্ৰহণ কৰে (MP Gaurav Gogoi at Golaghat)। তেওঁ শ্ৰীশ্ৰীআঠখেলীয়া নামঘৰত শৰাই,চাকি-ধূপ জ্বলাই অসমবাসীৰ কুশল-মংগলৰ কামনা কৰি মহাপ্ৰভুৰ চৰণত সেৱা জনায় (Sri Sri Athkheliya Namghar) ৷
ইফালে, অহা মাহত কলিয়াবৰলৈ বিজেপিৰ ৰাষ্ট্ৰীয় সভাপতি জে পি নাড্ডাৰ আগমণ সন্দৰ্ভত বিজেপিয়ে এইবাৰ কলিয়াবৰ দখল কৰিব নেকি বুলি সোধা প্ৰশ্ন উত্তৰত সাংসদগৰাকীয়ে কয় যে, কলিয়াবৰলৈ গৃহমন্ত্ৰী অমিত শ্বাহ দুই-তিনিবাৰ আহিব । শেষত প্ৰধানমন্ত্ৰী নৰেন্দ্ৰ মোডীও আহিব । তথাপিও কলিয়াবৰ সমষ্টি সদায় কংগ্ৰেছৰ আছে আৰু কংগ্ৰেছৰ দুৰ্গ হৈ থাকিব ৷
প্ৰধানমন্ত্ৰী নৰেন্দ্ৰ মোডীৰ অসম ভ্ৰমণৰ সময়ত মুখ্যমন্ত্ৰী ড৹ হিমন্ত বিশ্ব শৰ্মাক প্ৰধানমন্ত্ৰীৰ একেখন গাড়ীতে উঠি অহা এই দৃশ্যই কি সূচাইছে বুলি সোধা প্ৰশ্নৰ উত্তৰ কয় যে, দিল্লীৰ এখন অধিৱেশন হৈছিল য'ত প্ৰধানমন্ত্ৰী গাড়ীত প্ৰেছ উপদেষ্টা বহি আছিল । গতিকে গাড়ী ভিতৰত কোন বহি আছে তাত কিবা যুক্তি আছে বুলি নাভাবো বুলি মন্তব্য প্ৰদান কৰে সাংসদ গৌৰৱ গগৈয়ে ।
লগতে পঢ়ক:Ankita Dutta: এইবোৰ কথাক লৈ আৰু ৰৌজাল-বৌজাল হ’ব নালাগে: ভূপেন বৰা