Mother Daughter Dead Body: পুখুৰীত উদ্ধাৰ নিৰুদ্দেশ মাতৃ-কন্যাৰ মৃতদেহ
Published : Sep 20, 2023, 3:52 PM IST
নলবাৰী, 20 ছেপ্টেম্বৰ :নলবাৰীৰ লচিমাত এক চাঞ্চল্যকৰ ঘটনা সংঘটিত হৈছে। বুধবাৰে পুৱাই মাতৃ-কন্যাৰ মৃতদেহ ঘৰৰ ওচৰৰে এটা পুখুৰীত একেলগে উদ্ধাৰ কৰা হৈছে। মৃত দুয়োগৰাকীৰ নাম ৰুণজুণ বেগম (25) আৰু ৰিমচি আখতাৰ (4) বুলি জানিব পৰা গৈছে ।
দুই মাতৃ-কন্যা মঙলবাৰৰ বিয়লিৰ পৰা নিৰুদ্দেশ হৈ আছিল বুলি জানিব পৰা গৈছে । পৰিয়ালৰ লোকে বহুত বিচাৰ খোচাৰ কৰিও মঙলবাৰে তেওঁলোকক বিচাৰি পোৱা নাছিলে। ইয়াৰ পিচতে স্থানীয় লোকে আজি পুৱা মহিলাগৰাকী আৰু কণমানি শিশুটিৰ মৃতদেহ ঘৰৰ ওচৰৰে পুখুৰী এটাত একেলগে প্ৰত্যক্ষ কৰে। পিচত পৰিয়ালৰ লোক উপস্থিত হৈ মৃতদেহ দুটা পুখুৰীৰ পৰা উদ্ধাৰ কৰে।
ঘটনাস্থলীত দৌলাশাল আৰক্ষী উপস্থিত হৈ মৃতদেহ দুটা মৰণোত্তৰ পৰীক্ষাৰ বাবে প্ৰেৰণ কৰে ৷ ইয়াৰ পিচতে মহিলাগৰাকীৰ স্বামী আইনুল হ'কক সোধা-পোছাৰ বাবে আটক কৰে আৰক্ষীয়ে । মাতৃ-কন্যাৰ মৃত্যুৰ কাৰণ এতিয়ালৈকে জানিব পৰা হোৱা নাই। আৰক্ষীৰ তদন্তৰ পিচতহে এই ঘটনাৰ প্ৰকৃত কাৰণ পোহৰলৈ আহিব বুলি জানিব পৰা গৈছে ।
লগতে পঢ়ক:Diphu Murder case: দাৰে ঘপিয়াই এজনক নৃশংসভাৱে হত্যা