MLA Aminul Islam: হিমন্ত বিশ্ব শৰ্মাই ক’লেই I.N.D.I.A ত সোমাব এ আই ইউ ডি এফ !

নগাঁও, 7 অক্টোবৰ: ‘‘অসম প্ৰদেশ কংগ্ৰেছ কমিটিয়ে সেইটো সিদ্ধান্তহে ল’ব পাৰিব, যিটোত মুখ্যমন্ত্ৰী হিমন্ত বিশ্ব শৰ্মাই অনুমোদন জনায় ৷ হিমন্ত বিশ্ব শৰ্মাই ক’লেই এই আই ইউ ডি এফক I.N.D.I.Aত ল’ব ৷ হিমন্ত বিশ্ব শৰ্মাৰ কথা উপেক্ষা কৰি কোনো সিদ্ধান্ত লোৱাৰ ‘দম’ কংগ্ৰেছৰ নাই ৷ হিমন্ত বিশ্ব শৰ্মাই অনুমতি দিয়া নাই বাবেই এ আই এউ ডি এফক I.N.D.I.Aত লোৱা নাই ৷’’ এই মন্তব্য AIUDF বিধায়ক আমিনুল ইছলামৰ ৷ শনিবাৰে নগাঁৱত এনে মন্তব্য কৰে বিধায়কগৰাকীয়ে ৷ ইফালে আগন্তুক লোকসভা নিৰ্বাচনত বৰপেটা, নগাঁও আৰু ধুবুৰীত AIUDFএ প্ৰাৰ্থিত্ব দিব বুলি জানিবলৈ দিয়ে বিধায়কগৰাকীয়ে ৷ লগতে তেওঁ কয় যে কংগ্ৰেছে ৰাতি কি কথা পাতে সকলো গম পায় মুখ্যমন্ত্ৰীয়ে । কংগ্ৰেছৰ অধিকাংশ নেতা-কৰ্মীয়েই হিমন্ত বিশ্ব শৰ্মাৰ কথাত উঠা-বহা কৰে বুলি মন্তব্য কৰি তেওঁ কয় যে বিজেপিৰ গোপন ইংগিতত কাম কৰে কংগ্ৰেছে ৷

লগতে পঢ়ক:Hagrama slams Pramod Boro: অকলেই লোকসভা নিৰ্বাচনত যুঁজিব হাগ্ৰামা বাহিনীয়ে