Minor girl rescued: কিশোৰীক অপহৰণ কৰি আৰক্ষীৰ জালত পৰিল এজন - চেপন চাহ বাগিচা

মৰাণ আৰক্ষীয়ে বৃহস্পতিবাৰে নিশা চেপন চাহ বাগিচাৰ ১২ নং লাইনৰ পৰা এগৰাকী কিশোৰীক উদ্ধাৰ কৰে(Minor girl rescued in Moran) ৷ ঘটনা অনুসৰি মৰাণ আৰক্ষী থানাৰ অন্তৰ্গত চেপন চাহ বাগিচাৰ ১২ নং লাইনৰ দুখীয়া চাওৰাৰ পুত্ৰ ৰাজীৱ চাওৰাই (21) বিয়া পতাৰ উদ্দেশ্যে এগৰাকী ১৩ বছৰীয়া কিশোৰীক অপহৰণ কৰি ঘৰত আৱদ্ধ কৰি ৰাখিছিল । ইয়াৰ পাছতে কিশোৰীগৰাকীৰ পৰিয়ালৰ লোকে মৰাণ থানাৰ এই সন্দৰ্ভত এখন এজাহাৰ দাখিল কৰে ৷ এই এজাহাৰৰ ভিত্তিত মৰাণ থানাৰ ভাৰপ্ৰাপ্ত আৰক্ষী বিষয়া পঙ্কজ উপাধ্যায়ৰ নেতৃত্বত আৰক্ষীৰ দলে অভিযান চলাই চেপন চাহ বাগিচাৰ ১২ নং লাইনৰ ৰাজীৱ চাওৰাৰ গৃহৰ পৰা নিশা কিশোৰীগৰাকীক উদ্ধাৰ কৰে ৷ আৰক্ষীয়ে ৰাজীৱ চাওৰাকো আটক কৰে(Minor Girl kidnapper arrested) । মৰাণ আৰক্ষীয়ে কিশোৰীগৰাকীক চাইল্ড লাইনত গতাই দিয়ে । ইফালে অভিযুক্ত ৰাজীৱ চাওৰাৰ বিৰুদ্ধে মৰাণ আৰক্ষীয়ে 113/2022 U/s 366/342 IPC নম্বৰত কেচ ৰুজু কৰি জেললৈ প্ৰেৰণ কৰিছে ।