Sports Event in Nalbari: নলবাৰীৰ ধমধমাত ক্ষেত্ৰীয় ক্ৰীড়া সমাৰোহ পৰিদৰ্শন মন্ত্ৰী জয়ন্ত মল্ল বৰুৱাৰ

নলবাৰী, ১ অক্টোবৰ: শনিবাৰৰ পৰা নলবাৰীৰ ধমধমাত আৰম্ভ হৈছে ক্ষেত্ৰীয় ক্ৰীড়া সমাৰোহ ৷ দেওবাৰে দ্বিতীয় দিনা ক্ষেত্ৰীয় ক্ৰীড়া সমাৰোহখনি পৰিদৰ্শন কৰে স্থানীয় বিধায়ক তথা কেবিনেট মন্ত্ৰী জয়ন্ত মল্ল বৰুৱাই ৷

বিদ্যা ভাৰতীৰ উদ্যোগত আৰু শংকৰদেৱ শিশু বিদ্যা নিকেতন, ধমধমাৰ সহযোগত অনুষ্ঠিত এই ক্ৰীড়া সমাৰোহত ৰাজ্যৰ আঠটা বিভাগৰ লগতে অৰুণাচল প্ৰদেশ আৰু ত্ৰিপুৰাৰ পৰা চাৰি শতাধিক ছাত্ৰ-ছাত্ৰীয়ে অংশ গ্ৰহণ কৰিছে ৷ দেওবাৰে মন্ত্ৰী জয়ন্ত মল্ল বৰুৱাই ক্ৰীড়া সমাৰোহত উপস্থিত হৈ ৰাজ্যৰ বিভিন্ন জিলাৰ লগতে বহিঃৰাজ্যৰ পৰা অহা ছাত্ৰ-ছাত্ৰীসকলৰ খবৰ লয় ৷

তদুপৰি প্ৰধানমন্ত্ৰী নৰেন্দ্ৰ মোদীৰ আহ্বান মৰ্মে দেশৰ ভিন্ন প্ৰান্তৰ লগতে নলবাৰী জিলা জনস্বাস্থ্য কাৰিকৰী বিভাগে ধমধমাত কৰা এক ঘণ্টাৰ স্বচ্ছতা কাৰ্যসূচীতো মন্ত্ৰীগৰাকীয়ে অংশ গ্ৰহণ কৰে ৷

লগতে পঢ়ক :Cleanliness drive in India: প্ৰধানমন্ত্ৰীৰ স্বচ্ছ অভিযানৰ প্ৰতি ব্যাপক সঁহাৰি দেশবাসীৰ