77th Independence Day: আমিনগাঁও-কমলপুৰতো উদযাপন ৭৭ সংখ্যক স্বাধীনতা দিৱস - ৰাজহ চক্ৰ বিষয়া মণিক বৰগোঁহাই
আমিনগাঁও/কমলপুৰ, ১৫ আগষ্ট:কামৰূপ জিলাৰ আমিনগাঁও আৰু কমলপুৰতো আজি দেশৰ ৭৭ সংখ্যক স্বাধীনতা দিৱস উদযাপন কৰা হয় ৷ আমিনগাঁৱত স্বাধীনতা দিৱসৰ পতাকা উত্তোলন কৰে সাংস্কৃতিক পৰিক্ৰমা মন্ত্ৰী বিমল বড়াই । পতাকা উত্তোলন কৰি মন্ত্ৰী বিমল বড়াই আৰক্ষী, অৰ্ধসামৰিক বাহিনীৰ জোৱান আৰু স্কাউট-গাইডৰ কুচ-কাৱাজ পৰিদৰ্শন কৰি অভিবাদন গ্ৰহণ কৰে ।
কামৰূপ জিলা প্ৰশাসনৰ উদ্যোগত আয়োজন কৰা ৭৭ সংখ্যক স্বাধীনতা দিৱসৰ মুখ্য অতিথিৰ ভাষণত মন্ত্ৰী বড়াই চৰকাৰৰ উন্নয়নমূলক আঁচনি সম্পৰ্কত বিষদভাৱে অৱগত কৰে উপস্থিত ৰাইজক ৷
ইফালে কমলপুৰ ৰাজহ চক্ৰ কাৰ্যালয়ত কেন্দ্ৰীয়ভাৱে উদযাপন কৰা ৭৭ সংখ্যক স্বাধীনতা দিৱস । কমলপুৰ ৰাজহ চক্ৰ কাৰ্যালয়ত ৰাষ্ট্ৰীয় পতাকা উত্তোলন কৰে ৰাজহ চক্ৰ বিষয়া মণিক বৰগোঁহাইয়ে । স্বাধীনতা দিৱসৰ লগত সংগতি ৰাখি স্কুলীয়া ছাত্র-ছাত্ৰীসকলৰ মাজত বিভিন্ন ধৰণৰ সাংস্কৃতিক প্ৰতিযোগিতামূলক কাৰ্যসূচী অনুষ্ঠিত কৰা হয় ।
লগতে পঢ়ক:77th Independence Day : স্বাধীনতা দিৱসৰ ভাষণত মুখ্যমন্ত্রীৰ প্ৰতিশ্ৰুতি আৰু বিকাশৰ জয়গান